Hair Colour Staying Longer: কম দিনতেই উঠি যায় দামী হেয়াৰ কালাৰ? এবাৰ এই সহজ নিয়মসমূহ মানি চলক, পাৰ্থক্য দেখিব নিশ্চয়

আজিকালি অকালপক্কতাৰ বাবে কোনো নিৰ্দিষ্ট বয়স নাই ৷ গতিকে চুলিত ৰং ব্যৱহাৰ কৰাৰ পুৰণি লাজ-মানৰ বাধাও বহুদিন আগতেই ভাঙি পৰিছে ৷ পকা চুলিয়েই হওক বা সাধাৰণ চুলিয়েই হওক এতিয়া ১৮ৰ পৰা ৬০ বছৰ বয়সলৈ সকলোৱে চুলিত ৰং ব্যৱহাৰ কৰা হৈছে৷ ।

কিন্তু বেছিভাগৰেই সমস্যা হৈছে যে চুলিৰ ৰং বেছিদিন নাথাকে, অতি সোনকালে উঠি যায়। কিন্তু যদি আপুনি কিছুমান পৰামৰ্শ অনুসৰণ কৰে তেন্তে চুলিৰ ৰং বেছি দিনলৈ ধৰি ৰাখিব পাৰি। (Tips to ensure that hair colour stays longer)৷

চুলি ৰং কৰাৰ লগে লগে চেম্পু নকৰিব। আপোনাৰ মূৰটো পানীৰে ভালদৰে ধুব। ৩-৪ দিনৰ পিছত চেম্পু কৰক। চেম্পুৱে চুলিৰ ৰং পাতল কৰে।

ৰং কৰা চুলিত যি কোনো চেম্পু ব্যৱহাৰ নকৰিব। কৃত্ৰিম ৰং বেছিদিন ৰাখিবলৈ ছালফেট মুক্ত বিশেষ চেম্পু ব্যৱহাৰ কৰিব।

সাধাৰণ পানীৰ পৰিৱৰ্তে ফিল্টাৰ কৰা পানীত চেম্পু কৰক। কিয়নো সাধাৰণ পানীত থকা ক্লোৰিন আৰু অন্যান্য ৰাসায়নিক পদাৰ্থই চুলিৰ ৰং পাতল কৰে। সেই সমস্যা পৰিহাৰ কৰিবলৈ সকলো সময়তে ফিল্টাৰ কৰা পানীত চেম্পু কৰক।

গৰম পানী ব্যৱহাৰ কৰিলে সদায় চুলিৰ আৰ্দ্ৰতা হেৰুৱায়। গতিকে যেতিয়া চুলিৰ ৰং কৰা হয় তেতিয়াও আৰু আন সকলো সময়তে আপোনাৰ চুলি স্বাভাৱিক উষ্ণতাৰ পানীত ধুব। সেয়া চেম্পু কৰোঁতেই হওক বা এনেই গা ধোৱাৰ সময়তে হওক, চুলিত গৰম পানীৰ স্পৰ্শ একেবাৰে উচিত নহয়।