Health Tips: খোৱাৰ পিছতেই পেট ভাৰি, বুকুৰ জ্বলা-পোৰা? ফিট থাকিবলৈ এই সহজ নিয়মবোৰ মানি চলক! ই সাত দিনত কাম কৰিব...

আমাৰ দেশত প্ৰাচীন কালৰ পৰাই আয়ুৰ্বেদৰ চৰ্চা হৈ আহিছে। আজিকালি, বেছিভাগ লোকৰে আয়ুৰ্বেদৰ প্ৰতি আগ্ৰহ যথেষ্ট বৃদ্ধি পোৱা দেখা গৈছে। আজিকালি মানুহে স্বাস্থ্যৱান জীৱন যাপন কৰিবলৈ আৰু বিভিন্ন ৰোগৰ চিকিৎসাৰ বাবে আয়ুৰ্বেদৰ ওপৰত নিৰ্ভৰ কৰিবলৈ লৈছে। বহুতো মানুহে নিজৰ জীৱনশৈলী আয়ুৰ্বেদিক চিকিৎসাৰ ওপৰত নিৰ্ভৰ কৰিবলৈ ধৰিছে।

দৰাচলতে, আমাৰ জীৱনৰ কিছুমান দৈনন্দিন অভ্যাস হৈছে সুস্থতাৰ মূল চাবিকাঠি। তেনে ক্ষেত্ৰত, দিনটোৰ কিছুমান স্বাভাৱিক জীৱনশৈলী আৰু আহাৰ সলনি কৰিলে সামগ্ৰিকভাৱে স্বাস্থ্য উন্নত হয়।

আয়ুৰ্বেদে কয় যে শতপাবলি নামৰ আয়ুৰ্বেদ নীতি অনুসৰণ কৰিলে আমাক তৰুণ, সুস্থ আৰু স্বাস্থ্যৱান হৈ থকাত সহায় কৰে। আয়ুৰ্বেদত, 'শত'ৰ অৰ্থ হৈছে ১০০ আৰু 'পাবলি' মানে খোজ কঢ়া। তাৰ মানে ৰাতিৰ আহাৰ আৰু দুপৰীয়াৰ আহাৰৰ পিছত কমেও ১০০ খোজ কাঢ়িলে আপোনাক স্বাস্থ্যৱান কৰি ৰাখিব পাৰে। একে সময়তে প্ৰতিটো আহাৰৰ পিছত ১৫মিনিট খোজ কাঢ়িলে স্বাস্থ্যৱান হৈ থকাত সহায় কৰিব পাৰে আৰু বিভিন্ন স্বাস্থ্য জটিলতা প্ৰতিহত কৰিব পাৰে। গতিকে খোৱাৰ পিছত খোজ কঢ়াটো অতি গুৰুত্বপূৰ্ণ।

কেৱল খোজ কাঢ়িয়েই কেনেদৰে স্বাস্থ্যৱান হৈ থাকিব পাৰি
খোজ কঢ়া হৈছে সৰ্বশ্ৰেষ্ঠ শৰীৰ চৰ্চা। যিকোনো বয়সৰ মানুহে নিয়মীয়াকৈ খোজ কাঢ়িলে সুস্থ থাকিব পাৰে। যদি আপুনি খোৱাৰ লগে লগে শুই থাকে তেন্তে হজমৰ বিভ্ৰান্তি হ'ব পাৰে। খোৱাৰ অলপ পিছত খোজ কাঢ়িলে হজম উন্নত হয়। খোজ কঢ়াই খাদ্য বিপাক প্ৰক্ৰিয়াতো সহায় কৰে। আকৌ খোৱাৰ পিছত অলসতাও আঁতৰি যায়। আহাৰ খোৱাৰ পিছত, বিশেষকৈ দুপৰীয়াৰ আহাৰৰ পিছত অলসতাৰ বাবে কামত ব্যাঘাত হয়। কিন্তু যদি আমি খোৱাৰ পিছত নিয়মীয়াকৈ খোজ কঢ়াৰ অভ্যাস কৰোঁ, আলস্য ভাৱ সহজে নাহে।

কিমান জোৰে খোজ কাঢ়িব
কিন্তু খোৱাৰ পিছত খোজ কঢ়াৰ অৰ্থ এইটো নহয় যে বেগাই খোজ কঢ়া বা দীঘলকৈ খোজ কঢ়া। সাধাৰণতে খালী পেটত খোজ বেগাই কাঢ়িবলৈ পৰামৰ্শ দিয়া হয়। কিন্তু আয়ুৰ্বেদে কৈছে যে খোৱাৰ পিছত জোৰে খোজ কাঢ়িলে শৰীৰৰ সমস্যা বৃদ্ধিহে হয়। গতিকে লাহে লাহে ১০০ খোজ কঢ়াটো হৈছে সৰ্বশ্ৰেষ্ঠ উপায়।

সুস্বাস্থ্যৰ বাবে আৰু কিছু নিয়ম
সুস্থ হৈ থকাত টোপনিৰ এটা ডাঙৰ ভূমিকা আছে। গতিকে গোটেই দিনটো কামত যিমানেই ব্যস্ত নহওঁক কিয়, আমি টোপনিৰ সৈতে আপোচ কৰা উচিত নহয়। গতিকে ফিট থাকিবলৈ সঠিক সময়ত পৰ্যাপ্ত টোপনি অতি গুৰুত্বপূৰ্ণ। শাৰীৰিক সুস্থতাৰ বাবে আপুনি মানসিকভাৱে চাপমুক্ত হ'ব লাগিব। চাপ আৰু উদ্বেগ হ্ৰাস কৰিব লাগিব। সুষম সন্তুলিত আহাৰ খোৱাৰ অভ্যাস কৰিব লাগে।

স্বাস্থ্যৱান হৈ থাকিবলৈ পুষ্টিকৰ খাদ্যৰ সৈতে শাৰীৰিকভাৱে সক্ৰিয় হৈ থকাটো অতি গুৰুত্বপূৰ্ণ। যাৰ বাবে নিয়মীয়া ব্যায়াম, খোজ কঢ়া বা যোগ কৰিব পাৰি। কিন্তু গোটেই দিনটো অলপ সময়ৰ বাবে ব্যায়াম কৰিলেই একো লাভ নহয়। কামৰ মাজতো চাব লাগিব যাতে বেছি সময় একে ঠাইত বহি নাথাকে। তাৰ বাবে আপুনি অলপ সময়ৰ বাবে মাজে মাজে উঠি যাব লাগিব আৰু কাম কৰোঁতে বিৰতি লৈ অলপ খোজ কাঢ়িবও লাগিব।

আকৌ সেউজীয়া চাহে শৰীৰৰ পৰা বিষাক্ত পদাৰ্থ আঁতৰ কৰাত সহায় কৰে। গতিকে প্ৰতিদিনে একাপ সেউজীয়া চাহ আহাৰত ৰাখিলে ভাল ফলাফল পোৱা যাব।

একে সময়তে শৰীৰৰ বাবে যিকোনো নিচা বেয়া হ'ব পাৰে। সেয়েহে সুস্থাস্থ্যৰ বাবে সকলোধৰণৰ সুৰা বা ধূমপান পৰিহাৰ কৰিব লাগে।