ভাতৰ মাৰ কাঢ়ি বহুতে পেলাই দিয়ে। কিন্তু এই মাৰ কি কি কাৰণে ব্যৱহৃত হয়, সেয়া কয় শেষ কৰিব নোৱাৰি। বিশেষকৈ ৰূপচৰ্চাত ভাতৰ মাৰ অনন্য। ব্যৱহাৰ জানিলে আপুনি কেতিয়াও অবহেলা নকৰিব এই বস্তু। চালৰ বাবে অত্যন্ত উপকাৰী ভাতৰ মাৰ। ইয়াক মশ্চৰাইজাৰ হিচাপেও ব্যৱহাৰ কৰিব পাৰি। ভাতৰ মাৰ ব্যৱহাৰ কৰি মুখ ধুলে চালৰ উজ্বলতা বৃদ্ধি পায়। চৰ্ম ৰোগ বিশেষজ্ঞই কোৱা মতে, চকুৰ ওচৰৰ ক’লা দাগ দূৰ কৰিবলৈ ভাতৰ মাৰৰ বিকল্প নাই। নিয়মিত ব্যৱহাৰ কৰিলে চকুৰ ডাৰ্কচাৰ্কোল আঁতৰি যায়। সেইদৰে মুখত বিভিন্ন ধৰণৰ গুটি উঠিলেও ভাতৰ মাৰ ব্যৱহাৰ কৰিব পাৰি। চুলিৰ কণ্ডিশ্যনাৰ হিচাপেও ব্যৱহাৰ কৰিব পাৰি ভাতৰ মাৰ।
