2021 Yamaha FZ-X মুকলি ভাৰতত, আকৰ্ষণীয় ৰূপসজ্জাৰ লগতে আছে আৰামদায়ক অনুভৱ, কিমান দামত পাব?

য়ামাহা  FZ-X 150cc neo-retro মটৰচাইকেল মডেলে সৃষ্টি কৰিব পাৰে জোৱাৰ। আকৰ্ষণীয় লুকৰ লগতে ই যথেষ্ট আৰামদায়ক।  FZ-Xৰ আছে ব্লু-টুথ কানেক্টিভিটি। দাম নিৰ্ধাৰণ কৰা হৈছে 1,16,800 (এক্স শ্বোৰুম)।

149 চিচি ছিংগল চিলিণ্ডাৰ ইঞ্জিন। 7,250 আৰপিএমত 12.4 bhp মেক্সিমাম পাৱাৰ জেনেৰেট কৰিব ই। 5,500 আৰপিএমত 13.3 Nm পিক টর্ক জেনেৰেট কৰিব এই ইঞ্জিনে।

য়ামাহা FZ-X মডেলত ফুৱেল টেঙ্ক, ছাইড ক'ভাৰ, ইঞ্জিন গার্ড, হেডলাইট ষ্টে, ফ্রন্ট ফেণ্ডৰ, ফেণ্ডৰ ষ্টে আৰু গ্ৰেব বাৰত মাস্কুলাৰ লুক দিয়াৰ বাবে মেটেল পার্টছ ব্যৱহাৰ কৰিছে।.বাইকৰ ফ্রন্ট পোর্কস ক'লা Gatorsৰে ক'ভাৰ কৰা হৈছে। LED লাইটে এই মডেলকে অনন্য ৰূপ দিছে।

2021ৰ FZ-X -ত বেচ কিছু নতুন ফিচাৰ্ছ আছে। স্মার্টফোন কানেক্টিভিটিৰ লগতে Y-Connect এপ দিয়া হৈছে। এই এপৰ জৰিয়তে ইউজাৰ ইনকামিং কল এলার্টস, SMS এলার্ট, বেটাৰি চার্জ ইন্ডিকেটৰ, লাষ্ট পার্কিং, ফুৱেল, অইল চেঞ্জ ইন্ডিকেটৰ পোৱা যাব।

150 চিচিৰ এই মডেল জনপ্রিয় হ'ব পাৰে বুলি জনাইছে বিশেষজ্ঞসকলে। দেশত পেট্রোলৰ দাম 100 পাৰ হৈছে কোনো কোনো ঠাইত। এনে পৰিস্থিতিত কম চিচিৰ স্টাইলিছ বাইকৰ সন্ধান কৰিছে গ্রাহকসকলে। ইয়াৰ উপৰি য়ামাহাৰ ইঞ্জিন পাৰফৰমেন্সে পূৰ্বতেও প্রশংসা বুটলিবলৈ সক্ষম হৈছে।

ইয়াৰ আছে টিউবলেচ টায়াৰ। আপাতত তিনিটা কালাৰ পোৱা যাব এই মডেলত। মেটেলিক ব্লু, মেট কপাৰ আৰু মেট ব্ল্যেক ৰঙত পোৱা যাব।