Tea leaves and left over tea : চাহ বনোৱাৰ পিছত ব্যৱহাৰ হোৱা চাহপাতবোৰ পেলাই দিয়ে নেকি? লগাওক এই কামত

পুৱা–গধুলি চাহ খোৱাটো আমাৰ প্ৰায় সকলোৰে অভ্যাস। চাহ বনোৱাৰ পিছত ব্যৱহৃত চাহপাতবোৰ আপুনি ব্যৱহাৰ কৰিব পাৰে বিভিন্ন কামত। আপোনাৰ নিজৰ আৰু আপোনাৰ ঘৰ–সংসাৰৰ সৌন্দৰ্যৰক্ষাসহ নানা কামত ব্যৱহাৰ কৰিব পাৰে এই চাহপাত।

কিছু চাহপাত ৰ’দত শুকুৱাই লওক। তাৰ পিছত ভাগ ভাগ কৰি টিছু পেপাৰত বান্ধি ৰাখি থওক আলমিৰা বা ৱাৰ্ডৰোবৰ কোণত। এনে কৰিলে আলমিৰাত পোক নোসোমায়, দূৰ হয় দুৰ্গন্ধ। একেদৰে দুৰ্গন্ধ দূৰ কৰিবলৈ জোতাৰ ভিতৰতো ৰাখিব পাৰে চাহপাত। কাম কৰিব ছ্যু ফ্ৰেছনাৰ হিচাপে।

পৰিষ্কাৰ কৰাৰ পিছতো বহু সময় ৰেফ্ৰিজাৰেটৰৰ পৰা দুৰ্গন্ধ যাব নিবিচাৰে। বহু সময়ত এনেকুৱাও হয়, কিছুদিন ধৰি ফ্ৰিজ পৰিষ্কাৰ কৰা হোৱা নাই। খোলা পাত্ৰত ফ্ৰিজত ৰাখক শুকান চাহপাত।

মাইক্ৰ’ৱেভ অভেনত খোৱা বস্ত্ু গৰম কৰাৰ পিছত ব্যৱহৃত গ্ৰীন টিৰ ভিজা পাত ৰাখক। খোৱা বস্তুৰ গোন্ধ দূৰ হৈ কাম কৰিব ফ্ৰেছনাৰ হিচাপে।

জৈৱ সাৰ হিচাপেও চাহপাত অতুলনীয়। ব্যৱহৃত চাহপাত পেলাই নিদি জমা কৰি ৰাখক গছৰ গুৰিত। ইনড’ৰ–আউটড’ৰ দুয়ো প্ৰকাৰৰ গছৰ ক্ষেত্ৰতে ব্যৱহৃত চাহপাতে ভাল সাৰৰ কাম কৰে।

কাপৰ তলিত ৰৈ যোৱা চাহ খাবলৈ ইচ্ছা নকৰে। বহু সময়ত বহু পৰিমাণৰ চাহ নোখোৱাকৈ ৰৈ যায়। পেলাই নিদিব। গছৰ গুৰিত দিয়ক। স্প্ৰে বটলত ভৰাই চটিয়াব পাৰে গছৰ পাততো।

জাপানীজ পদ্ধতিত চালাড কৰিলে দিব পাৰে গ্ৰীন টি। সদ্য ব্যৱহাৰ কৰা ভিজি থকা চাহপাত আৰু শুকান চাহপাত দুয়োটাই দিব পাৰে। শুকান চাহপাত গুৰি কৰি চটিয়াই দিব পাৰে চালাডৰ ওপৰত। পাব অতিৰিক্ত সোৱাদ আৰু সুগন্ধ।

পৰিষ্কাৰ পানীত উতলাওক চাহপাত। চেকি লৈ সেই মিশ্ৰণ ব্যৱহাৰ কৰিব পাৰে উডেন ছাৰফেচ বা উটেন ফ্লোৰ পৰিষ্কাৰ কৰিবলৈ।

গ্ৰীন টি বা হোৱাইট টি চকুৰ বাবে আৰামদায়ক। গৰম পানীত ডুবাই ৰাখক টি বেগ। তাৰ পিছত উষ্ণতা আপোনাৰ ছালৰ বাবে সহনশীল অৱস্থালৈ আহিলে টি বেগ দুটা ৰাখক বন্ধ চকুৰ ওপৰত। ৫ৰ পৰা ১০ মিনিট ধৰি টি বেগ আইমাস্ক হিচাপে ৰাখক চকুৰ ওপৰত। <span style="color: #ff0000;"><strong>(এই লেখা সাধাৰণ তথ্যৰ ওপৰত আধাৰিত। ইয়াক প্ৰয়োগ কৰাৰ পূৰ্বে বিশেষজ্ঞৰ পৰামৰ্শ লওক।)</strong></span>