Gold Price Hike : বাঢ়িল দাম! সোণৰ দামে অতিক্ৰম কৰিলে ৫২,০০০ৰ ঘৰ! আজিৰ দিনটোত কিমান বাঢ়িল ১০ গ্ৰাম সোণৰ দাম? জানি লওক

আন্তঃৰাষ্ট্ৰীয় বজাৰত মূল্যবৃদ্ধিৰ ফলত শুকুৰবাৰে ভাৰতীয় বজাৰতো সোণ আৰু ৰূপৰ মূল্য বৃদ্ধি পায়৷ মাল্টি কোমোডিটী এক্সচেঞ্জত আজিৰ দিনটোত সোণৰ মূল্য পুনৰ ৫২,০০০ টকালৈ বৃদ্ধি পাইছে৷ এমচিএক্সত পুৱা ৯.১০ মিনিটত ২৪ কেৰেট বিশুদ্ধ সোণৰ মূল্যত ৩০৮ টকা বৃদ্ধি হৈ প্ৰতি ১০ গ্ৰামৰ দামত ৫৭,০৭৫ টকা হৈছে৷ এক্সচেঞ্জত ট্ৰেডিঙৰ আৰম্ভণিতে সোণৰ দাম ৫১,৭০২ টকাত  আৰম্ভণি হৈছিল। তাৰ পিছত, নিৰন্তৰ চাহিদা বৃদ্ধিৰ বাবে, সোণৰ মূল্য বৃদ্ধি হৈ প্ৰায় ৫২ হাজাৰ টকা হৈছেগৈ।

ৰূপৰ মূল্যত চমকঃ এমচিএক্সত পুৱা প্ৰতি কিলো ৰূপত ৬৯,৬৬৩ টকাত বজাৰৰ আৰম্ভণি হৈছে। কিন্তু পিছত ৰূপৰ মূল্য প্ৰতি কিলোত ১৩০ টকা হ্ৰাস হৈ ৬৯,৪৫০ টকা হৈছে।

বিশ্বৰ বজাৰত সোণ আৰু ৰূপৰ মূল্য- ৰাছিয়া আৰু ইউক্ৰেইনৰ সংকটৰ বাবে অশোধিত আৰু গেছৰ মূল্য বৃদ্ধি হোৱাৰ লগে লগে বিনিয়োগকাৰীসকলে আকৌ এবাৰ সোণ আৰু ৰূপত বিনিয়োগ বৃদ্ধি কৰিছে৷ বিশ্ববজাৰত সোণৰ মূল্য ০.২২ শতাংশ বৃদ্ধি হৈ প্ৰতি আউন্সত ১৯৬২.৮৫ ডলাৰ হৈছে৷ ৰূপ০.১৬ শতাংশ বৃদ্ধি হৈ প্ৰতি আউন্সত ২৫.৯৬ ডলাৰ হৈছে৷

এই কাৰণে সোণ আৰু ৰূপৰ মূল্য পুনৰ বৃদ্ধি পাইছেঃ ৰাছিয়া আৰু ইউক্ৰেইনৰ মাজত চলি থকা যুদ্ধৰ ফলত সমগ্ৰ বিশ্বৰ শ্বেয়াৰ বজাৰৰ উঠা-নমা হৈছে আৰু ইয়াৰ প্ৰভাৱ দেশখনৰ বজাৰতো দেখা গৈছে৷ বিনিয়োগকাৰীসকলে সুৰক্ষিত লাভৰ সন্ধানত আকৌ এবাৰ সোণত বিনিয়োগ কৰিবলৈ আৰম্ভ কৰিছে৷ ইয়াৰ ফলত সোণৰ চাহিদা বৃদ্ধি পাইছে।