SBIৰ ৪০ কোটি গ্ৰাহকৰ বাবে গুৰুত্বপূৰ্ণ খবৰ! সলনি হ’ল ATMৰ পৰা ধন উলিওৱাৰ নিয়ম, লগতে আৰু কেইটামান ডাঙৰ খবৰ

দেশৰ সৰ্ববৃহত্‍ পাব্লিক চেক্টৰ বেংক ভাৰতীয় ষ্টেট বেংকে চলিত মাহত বহুকেইটা নিয়ম সাল-সলনি কৰিছে। এই সাল-সলনি ডিক্স ডিপোজিতৰ পৰা এটিএমৰ পৰা টকা উলিওৱা লৈকে।  সাল-সলনি কৰা নিয়মৰ প্ৰভাৱ পৰিব বেংকটোৰ গ্ৰাহকৰ ওপৰত। আপুনি ষ্টেট বেংকৰ গ্ৰাহক যদি, এই খবৰ আপোনাৰ বাবে জৰুৰী।

দিনে দিনে বাঢ়িছে এ টি এমৰ পৰা ধন আত্মসাত্‍ কৰাৰ ঘটনা।  গতিকে এইবাৰ এ টি এমৰ পৰা টকা উলিওৱাৰ নিয়ম সলনি কৰা হৈছে। এতিয়াৰ পৰা  24×7 অ’টিপি বেচড এটিএমৰ পৰা টকা উলিওৱাৰ সুবিধা দিব ষ্টেট বেংকে।  ১৮ ছেপ্তেম্বৰৰ পৰা সমগ্ৰ দেশৰ এটিএমতে এই নতুন নিয়ম আৰম্ভ হৈছে। ইয়াৰ আগতে  কেৱল নিশা ৮ বজাৰ পৰা পুৱা ৮ বজা পৰ্যন্ত ১০ হাজাৰ টকাতকৈ বেছি উলিয়ালে অ’টিপিৰ প্ৰয়োজন হৈছিল।

ষ্টেট বেংকে নিজৰ গ্ৰাহকৰ বাবে লোন ৰি ষ্ট্ৰাকচাৰৰ সুবিধা দিয়াৰ বাবে শীঘ্ৰে ডিডিটেল প্লেটফৰ্ম লন্স কৰিব। এই প্লেযটফৰ্মত ঠিক কৰা হ’ব, কোন গ্ৰাহকে কিমান দিনৰ বাবে SBI Loan Moratorium লাভ কৰিব। চলিত মাহৰ শেষৰ ফালে এই প্লেটফৰ্ম মুকলিৰ সম্ভাৱনা।

আনহাতে জ্যেষ্ঠ নাগৰিকৰ বাবে Special Fixed Deposit Schemeত ধন বিনিয়োগ কৰাৰ অন্তিম তাৰিখৰ সীমা বঢ়োৱা হৈছে।  মে মাহত জ্যেষ্ঠ নাগৰিকৰ বাবে ভাৰতীয় ষ্টেট বেংকে ‘SBI WECARE Senior Citizens Term Deposit scheme’ আৰম্ভ কৰিছিল।  অহা ৩১ ডিচেম্বৰ লৈকে বৃদ্ধি কৰা হৈছে অন্তিম সময়সীমা।

সেইদৰে আকৌ এবাৰ এফ ডিত সুতৰ হাৰ হ্ৰাস কৰিলে ষ্টেট বেংকে। ২ কোটি টকাতকৈ কম ১,২ বছৰৰ ৰিটেল ডোমেষ্টিক টাৰ্ম ডিপোজিটৰ সুতৰ হাৰ ০.২০ শতাশ হ্ৰাস কৰা হৈছে। নতুন সুতৰ হাৰ  ১০ ছেপ্তেম্বৰৰ পৰা আৰম্ভ হৈছে।