Russia Ukraine Crisis: ৰাছিয়াৰ ইউক্ৰেইন আক্ৰমণৰ প্ৰভাৱ, ব্যাপক দাম বাঢ়িছে পাকঘৰৰ এইসমূহ সামগ্ৰীৰ! আৰু বৃদ্ধি পোৱাৰ আশংকা

ইউক্ৰেইন আক্ৰমণ কৰিছে ৰাছিয়াৰই। এই পৰিস্থিতিত হঠাত চোয়াবিন তেল আৰু চানফ্লাৱাৰ তেলৰ দাম বাঢ়িছে। কাৰণ এইবোৰ তেলৰ ৭০ শতাংশ ইউক্ৰেইনৰ পৰা আমাৰ দেশলৈ আমদানি হয়।

ৰাছিয়াই ইউক্ৰেইন আক্ৰমণ কৰাৰ দুদিন পিছতে এই দুই তেলৰ দাম বহু পৰিমাণে বাঢ়িছে। আৰু দাম বঢ়াৰ আশংকা কৰা হৈছে। সুযোগ বুজি যুদ্ধৰ দোহাই দি ক'লা বজাৰ আৰম্ভ হোৱাৰ আশংকা দেখিছে ব্যৱসায়ীয়ে।সুযোগ বুঝে যুদ্ধের দোহাই দিয়ে কালোবাজারি শুরু হওয়ার আশঙ্কা দেখছে ব্যবসায়ীরা।

সেয়েহে কেৱল চোয়াবিন তেলে আৰু চান ফ্লাৱাৰ তেলেই নহয়, দাম বঢ়াৰ আশংকা কৰা হৈছে একাধিক সামগ্ৰীৰ। ৰাছিয়া বিশ্বৰ বৃহত্তম অপৰিশোধিত তেলৰ উৎপাদক দেশসমূহৰ মাজত অন্যতম। ফলত আগন্তুক কেইদিনত আন্তৰ্জাতিক বজাৰত অপৰিশোধিত তেলৰ দামে আকাশ স্পৰ্শ কৰাৰ অৱকাশ আছে। যাৰ প্ৰভাৱ পৰিব পাৰে সমগ্ৰ বিশ্বৰ অৰ্থনীতিত।

বিশেষজ্ঞসকলে আশংকা কৰিছে যে ৰাছিয়া-ইউক্ৰেইন যুদ্ধত চিএনজি, পিএনজিৰ দৰে পৰিয়ালত ব্যৱহৃত ইন্ধনৰ মূল্যও যথেষ্ট বৃদ্ধি পাব পাৰে৷ কেৱল সেয়াই নহয়, খাৰুৱা তেলৰ মূল্য বৃদ্ধি হ'লে এলপিজি আৰু কেৰাচিনৰ ওপৰত ৰাজসাহায্য বৃদ্ধি কৰাও প্ৰয়োজন হ'ব পাৰে৷ আন্তঃৰাষ্ট্ৰীয় বজাৰত খাৰুৱা তেলৰ মূল্য বৃদ্ধি হোৱাৰ ফলত ভাৰতত পেট্ৰ'ল আৰু ডিজেলৰ মূল্য বৃদ্ধি হ'ব পাৰে৷

ৰাছিয়া হৈছে বিশ্বৰ সৰ্ববৃহৎ ঘেঁহু ৰপ্তানি কৰা দেশ। ইউক্ৰেইন আছে চাৰি নম্বৰত ৷ ইউক্ৰেইনৰ পৰা বাৰ্লিও বিশ্বলৈ ৰপ্তানি কৰা হয়৷ ফলস্বৰূপে, এই যুদ্ধৰ ফলস্বৰূপে, সমগ্ৰ বিশ্বতে খাদ্যৰ মূল্যও বৃদ্ধি পাব পাৰে।