কিছুদিন পূৰ্বে পৰ্ণগ্ৰাফী নিৰ্মাণত জড়িত থকাৰ অভিযোগত গ্ৰেপ্তাৰ হৈছিল ৰাজ কুন্দ্ৰা। এই বিষয়টো ইমান বেছি আলোচনা নহ'ল হেতেন, যদি ৰাজ কুন্দ্ৰা শিল্পা ছেট্টীৰ স্বামী নহ'ল হেতেন। এই কাণ্ডত এই পৰ্যন্ত শিল্পা ছেট্টী জড়িত থকাৰ কোনো প্ৰমাণ পোৱা নাই। ওলোটাই ৰাজ কুন্দ্ৰাৰ পত্নী হোৱাৰ বাবে শিল্পাৰ হাতৰ পৰা গৈছে বহু আগশাৰীৰ ব্ৰেণ্ডৰ বিজ্ঞাপন আৰু ৰিয়েলিটী শ্বৰ কাম। বিপদৰ দিনত শিল্পা ছেট্টীৰ কাষত নাই কনো বলীউদৰো অভিনেত্ৰী-অভিনেতা। লোৱা নাই কোনোৱে এটা খবৰ। ফলত এতিয়া ভাগি পৰিছে শিল্পী ছেট্টী। আনকি ৰাজ কুন্দ্ৰাৰ সৈতে ভৱিষ্যতৰ কথা চিন্তা কৰি সম্পৰ্ক বিচ্ছেদ কৰাৰো চিন্তা-চৰ্চা কৰিছে বুলি জানিব পৰা গৈছে। শিল্পাৰ এগৰাকী ঘনিষ্ঠ বন্ধুৰ পৰা এই খবৰ জনা গৈছে। ক্ৰমাগত ভাবে স্বামী ৰাজকুন্দ্ৰাক দোষাৰোপ কৰিছে শিল্পাই। আৰ্থিক ভাবে ইমান সবল হোৱাৰ পিছতে কিয় ৰাজ কুন্দ্ৰা ইমান জঘন্য কামত জড়িত হ'ল, এই লৈ চৰম অস্বস্তিত পৰিছে অভিনেত্ৰীগৰাকী। শেহতীয়কে পুত্ৰ ভিভানৰ সৈতে এখন ফটো পোষ্ট কৰিছে শিল্পাই। ছবিৰ জৰিয়তে স্পষ্ট ইংগিত দিছে যে, এইবাৰ এক বিকল্প পথৰ সিদ্ধান্ত লৈছে শিল্পাই। পৰিস্থিতি যিমানেই জটিল হৈছে, ৰাজৰো মুক্তি লাভৰ সম্ভাৱনা প্ৰায় ক্ষীণ হৈ আহিছে। শিল্পা অত্যন্ত বিচক্ষণ। গতিকে দেৰি নকৰি বিবাহ বিচ্ছেদৰ সিদ্ধান্ত গ্ৰহণ কৰিছে। সন্তানৰ ওপৰত যাতে কোনো ধৰণৰ কু-প্ৰভাৱ নপৰে, তাৰ বাবেই শিল্পাই এই সিদ্ধান্ত গ্ৰহণ কৰিবলৈ আগবাঢ়িছে বুলি চৰ্চা চলিছে।
