ড্ৰাগছ কাণ্ডত নাম সাঙোৰ খাইছে দীপিকা পাড়ুকনেৰ । নাম সাঙোৰ খাইছে সাৰা আলী খান, শ্রদ্ধা কাপুৰ, ৰাকুল প্রীত সিঙৰো । ইয়াৰ ভিতৰত শীৰ্ষস্থানীয় নায়িকা দীপিকাৰ ওপৰত বিশেষভাৱে দৃষ্টি নিবদ্ধ হৈছে বলিউড তথা দেশবাসীৰ। বৃহস্পতিবাৰে নিশা মুম্বাইত উপস্থিত হয় দীপিকা-ৰণবীৰ । দুয়ো গোৱালৈ ছুটি কটাবলৈ গৈছিল। এনে সময়তে এনচিবিয়ে চমন কৰে দীপিকাক। কাইলৈ দীপিকাক সোধা–পোচা কৰা হ’ব। এইকাৰণেই মুম্বাইলৈ ঘুৰি আহে দুয়ো। মুম্বাই বিমানবন্দৰত মিডিয়াই দুয়োকে ঘেৰি ধৰে। ঘৰ পৰ্যন্ত দুয়োকে অনুসৰণ কৰে সংবাদকৰ্মীয়ে। ইয়াৰ পৰা ধাৰণা কৰিব পাৰি শনিবাৰে সোধা–পোচাৰ সময়ত দীপিকা এনচিবিৰ অফিচলৈ যোৱাৰ সময়ত কি ধৰণৰ পৰিস্থিতিৰ সৃষ্টি হ’ব। মুম্বাইত উপস্থিত হোৱাৰ সময়ত দীপিকাই ৰণবীৰৰ হাত জোৰেৰে খামুচি থকা দেখা গ’ল। স্বামী ৰণবীৰেও যিমান সম্ভৱ দীপিকাক সুৰক্ষা দি আগুৱাই যোৱাত সহায় কৰে। ইতিমধ্যেই এনচিবিৰ ওচৰত দায়িত্বশীল স্বামী ৰণবীৰে আৱেদন কৰিছে যে সোধা–পোচাৰ সময়ত যেন তেওঁক লগত থাকিবলৈ দিয়া হয়। ৰণবীৰে জনাইছে তেওঁৰ পত্নীৰ প্ৰৱল Anxiety তথা পেনিক এটেক হৈছে। গতিকে পত্নীক ভৰসা দিবলৈ তেওঁৰ লগত থাকিব বিচাৰে ৰণবীৰে। অৱশ্যে এইপৰ্যন্ত এনচিবিৰ ফালৰ পৰা ৰণবীৰৰ এই আৱেদন সন্দৰ্ভত কোনো চূড়ান্ত সিদ্ধান্ত গ্ৰহণ কৰা হোৱা নাই।
