চীনেই হওক বা পাকিস্তান, ৬০০ কিঃমিঃ ভিতৰত সোমাই ধ্বংসলীলা চলাব পাৰে ৰাফেলে

চুক্তি হৈছিল চাৰি বছৰ পূৰ্বে। অলপ পানী ঘোলা কৰা হোৱা নাই। অৱশেষত আজি অৰ্থাৎ ২৯ জুলাইত ভাৰতত ৰাফেল বিমানৰ পদাৰ্পণ। হাৰিয়ানাৰ আম্বালাৰ ভাৰতীয় বায়ুসেনাৰ ঘাটিত ৰখা হ’ব এই বিমান। জানক কিমান শক্তিশালী এই যুদ্ধ বিমান। চীন হওক বা পাকিস্তান শত্ৰুৰ সৈতে যুঁজত কিমান অপৰিহাৰ্য হ’বলৈ গৈ আছে এই বিমান?

ইমানদিনে ভাৰতৰ ওচৰত আছিল লং ৰেঞ্জ মিছাইল স্কাল্প যিয়ে ৩০০ কিলোমিটাৰ দূৰত্ব পর্যন্ত আঘাত হানিব পাৰে। কিন্তু ৰাফেলৰ শক্তি ইমানেই বেছি যে চীন হওক বা পাকিস্তান শত্ৰুশিবিৰৰ ৬০০ কিলোমিটাৰ পৰ্যন্ত আঘাত হনাৰ ক্ষমতা আছে ৰাফেলৰ।

ৰাফেলৰ বিয়ণ্ড ভিজুৱেল ৰেঞ্জ ১৫০কিলোমিটাৰৰ বেছি। পাকিস্তানৰ হাতত যি যুদ্ধ বিমান আছে তাৰ বিভিআৰ খুব বেছি ৫০কিলোমিটাৰ।

এয়াৰ টু এয়াৰ মিচাইল ৰাফেল জেটসমূহৰ অন্যতম ইউএচপি। ইয়াৰ ফলত১৫০ কিলোমিটাৰ দূৰৰ টার্গেট বিদ্ধ কৰিব পাৰে ভাৰতীয় বায়ুসেনাই।

ইয়াৰ বাহিৰেও ৰাফেলত থাকে এয়াৰ টু গ্ৰাউণ্ড মিচাইল। এই মিচাইলে অন্ততঃ ৩০০ কিলোমিটাৰ দূৰত্বলৈকে লক্ষ্যভেদ কৰাৰ ক্ষেত্ৰত সক্ষম।

১০০ কিলোমিটাৰ এলেকাৰ ভিতৰত ৪৫টা লক্ষ্যত একেলগে আঘাত হানিব পাৰে ৰাফেলে।

ৰাফেলৰ এয়াৰ টু এয়াৰ তথা এয়াৰ টু চাৰফেচ ফায়াৰপাৱাৰ ৩৭০০ কিলোমিটাৰ।

পাকিস্তান তথা চীনৰ বায়ুসেনাই যি জেএফ ১৭ তথা জে ২০ যুদ্ধবিমানসমূহ ব্যবহাৰ কৰিছে সেইবোৰ দিন তথা ৰাতি উৰে আৰু যুদ্ধক্ষেত্রত যুঁজিবলৈ সক্ষম। চীনৰ দাবি অনুযায়ী, জেএফ ১৭ ফোর্থ জেনেৰেশ্যন তথা জে ২০ ফিফথ জেনেৰেশ্যন এয়াৰক্রাফট৷ আনহাতে ৰাফেলৰ ক্ষেত্ৰত কোৱা হৈছে ৪.৫ জেনেরেশন এয়াৰক্রাফট৷ ৰাফেলৰ নির্মাণকাৰী সংস্থা দাসল্ট-ৰ দাবী, এইসমূহ omnirole এয়াৰক্রাফট৷ অর্থাৎ প্রত্যেক মিচনত এই যুদ্ধবিমানক যি লক্ষ্যত ব্যৱহাৰ কৰা হয় প্ৰয়োজনত ৰাফেলে তাৰ অতিৰিক্তও কাম কৰিব পাৰে।

ইয়াৰ লগতে যুদ্ধবিমান যিমানেই অত্যাধুনিক তথা ক্ষমতাসম্পন্ন নহওক কিয় তাৰ সফলতা নিৰ্ভৰ কৰিছে অস্ত্ৰ শস্ত্ৰ তথা ৰাডাৰৰ ওপৰত৷ সামৰিক বিশেষজ্ঞসকলৰ মতে, ৰাফেলে যি ধৰণৰ মিচাইল তথা অস্ত্রশস্ত্র বহনত সক্ষম, সেয়া পৃথিৱীৰ ভিতৰতে অন্যতম তথা সর্বাধুনিক৷ ৰাফেলে যি ধৰণৰ METEOR এয়াৰ টু এয়াৰ লং ৰেঞ্জ মিচাইল ব্যবহাৰ কৰে, সিয়ে দক্ষিণ-পূৱ এচিয়াৰ আকাশত যুদ্ধৰ গতিপ্রকৃতিৰ আমূল সলনি ঘটোৱাৰ ধাৰণা কৰা হৈছে।