বিনামূলীয়া গেছ চিলিণ্ডাৰ লাগিব নেকি? হাতত আছে মাত্ৰ ৭ দিন, কি কৰিব লাগিব জানি লওক

আপুনি বিনামূলীয়াকৈ গেছ চিলিণ্ডাৰ বিচাৰে নেকি? তেন্তে আপোনাৰ হাতত মাত্ৰ ৭ দিন আছে। কাৰণ প্ৰধানমন্ত্ৰী উজ্জ্বলা যোজনাত নাম অন্তৰ্ভুক্ত কৰাৰ শেষ দিন ৩০ ছেপ্তেম্বৰ। এতিয়াই জানি লওক কিদৰে লাভ পাৰিব এই সুবিধা?

যোজনা অনুসৰি. গেছ কানেকশ্যকৰৰ বাবে বিপিএল পৰিয়ালৰ কোনো মহিলা সদস্যই আবেদন কৰিব লাগিব। ইয়াৰ বাবে কে ৱাই চি ফৰ্ম ফিলআপ কৰি নিকটৱৰ্তী এল পি জি চেণ্টাৰত জমা দিব লাগিব।

ইয়াৰ বাবে নাম, ঠিকনা, জনধন একাউণ্টৰ নম্বৰ, আধাৰ নম্বৰ দিব লাগিব। আবেদন পত্ৰ প্ৰধানমন্ত্ৰী উজ্জ্বলা যোজনাৰ ৱেবচাইটৰ পৰা ডাউনলোড কৰিব পাৰিব। এল পি জি কেন্দ্ৰৰ পৰাও ফৰ্ম ল’ব পাৰিব।

উজ্জ্বলা স্কীম অনুযায়ী, ১৪.২ কিলোগ্ৰামৰ তিনিটা এল পি জি চিলিণ্ডাৰ প্ৰধানমন্ত্ৰী গৰীব কল্যাণ আঁচনিৰ অধীনত দিয়া হৈছে। এমাহত বিনামূলীয়াকৈ লাভ কৰিব এটা চিলিণ্ডাৰ। 

এই সুবিধা লোৱাৰ বাবে মোবাইল নম্বৰ ৰেজিষ্টাৰ্ড থকাটো বাধ্যতামূলক। অৰ্থাত্‍ গেছ এজেঞ্চিৰ ওপৰত যাৰ নম্বৰ ৰেজিষ্টাৰ্ড আছে, সেইসকলে লাভ কৰিব এই সুবিধা।