৪৭তম বিবাহবার্ষিকীত জয়াক জীৱনসংগী হিচাপে বাচি লোৱাৰ এক গোপন তথ্য ফাদিল কৰিলে বিগ বিয়ে৷ ছচিয়েল মিডিয়াত তেওঁ নিয়মীয়াকৈ লিখে। ইয়াতেই তেওঁ তুলি ধৰিলে ৪৭বছৰ পুৰণা সেই কথা। লকডাউনত নতুন দিল্লীত আৱদ্ধ হৈ আছে জয়া বচ্চন ৷ সেইকাৰণে মুম্বাইৰ পৰা তেওঁক বিবাহবাৰ্ষিকীৰ শুভেচ্ছা জনালে স্বামী অমিতাভে। বিগ স্ক্রীনৰ বাহিৰতো যে বিগ বি অতি ৰোমাণ্টিক, ,সেয়া তেওঁৰ পোষ্ট দেখিলেই বুজা যায়। ৩ জুন ১৯৭৩-ত জয়া ভাদুৰীৰ সৈতে যুগ্ম জীৱন আৰম্ভ কৰিছিল অমিতাভ বচ্চনে। ৪৭টা বসন্ত অতিবাহিত কৰি আজিও এই যুটী বলিউডৰ সফল দম্পতি হিচাপে চিহ্নিত। এফালে বাহিৰত অমিতাভৰ বিপুল সাফল্য আনফালে ঘৰত ল’ৰা–ছোৱালীক মানুহ কৰি তুলিছিল জয়াই। বহু তাৰকা দম্পতিৰ কাৰণে এয়া এক নিদৰ্শন। অমিতাভ বচ্চনে জনায় যে, জঞ্জীৰ ছবি হিট হ’লে, কেইজনমান বন্ধুৰ সৈতে মিলি লণ্ডন যোৱাৰ পৰিকল্পনা কৰা হৈছিল। ইয়াৰ মাজত আছিল জয়াও। কিন্তু বাধা হৈ থিয় দিলে অমিতাভৰ পিতৃ হৰিবংশ ৰায় বচ্চন। তেওঁ স্পষ্টকৈ জনাই দিলে যে বিয়া কৰাইহে জয়াক লণ্ডন ফুৰাবলৈ নিব পাৰিব নহ’লে নোৱাৰে। পিতৃৰ আদেশৰ কাৰণে জয়াৰ সৈতে হোমৰ গুৰিত বহিবলৈ বাধ্য হ’ল অমিতাভ বচ্চন। View Survey
