Resignation দিছে, নটিচ পিৰিয়ড ছাৰ্ভ কৰাটো বাধ্যতামূলক নেকি? নকৰিলে কি হ’ব?

বেচৰকাৰী চাকৰিত বহুতেই এটা প্ৰতিষ্ঠানতে দীৰ্ঘদিন কাম নকৰে। চাকৰি সলনি কৰিলে দৰমহা বাঢ়ে। সেয়ে বহুতেই এটা প্ৰতিষ্ঠান এৰি আন কোম্পানীলৈ গুচি যায়।

বেচৰকাৰী ক্ষেত্ৰত খুব কম মানুহেই একে প্ৰতিষ্ঠানতে চাকৰি কৰি সমগ্ৰ জীৱন কটায়। বহুতে আকৌ কিছু বছৰ চাকৰি কৰি প্ৰতিষ্ঠান সলনি কৰে।

ইস্তাফা দিয়াৰ পিছত অধিকসংখ্যক প্ৰতিষ্ঠানত কৰ্মচাৰীয়ে নটিচ পিৰিয়ড ছাৰ্ভ কৰিব লাগে। কিছুমান প্ৰতিষ্ঠানত ১৫ দিন, ক’ৰবাত এমাহ হয় নটিচ পিৰিয়ড। এজন কৰ্মচাৰীয়ে যেতিয়াকোনো প্ৰতিষ্ঠানত চাকৰিত সোমায়, তেতিয়া চুক্তিপত্ৰত এই নটিচ পিৰিয়ডৰ কথা উল্লেখ থাকে।

বহুতৰে প্ৰশ্ন, নটিচ পিৰিয়ড ছাৰ্ভ কৰা বাধ্যতামূলক নেকি? কোনো প্ৰতিষ্ঠানে আপোনাক নটিচ পিৰিয়ড ছাৰ্ভ কৰিবলৈ বাধ্য কৰিব নোৱাৰে। কিন্তু আপুনি কিছু নিয়ম মানিব লাগিব। তেতিয়া আপুনি বহুক্ষেত্ৰত নটিচ পিৰিয়ড ছাৰ্ভ নকৰাকৈ আন প্ৰতিষ্ঠানলৈ যাব পাৰিব।

নটিচ পিৰিয়ড ছাৰ্ভ নকৰাকৈ যিমান দিন আগত আপুনি আন প্ৰতিষ্ঠানলৈ যাব বিচাৰে, সিমান দিনৰ বাবে আপোনাক টকা দিব লাগিব পুৰণি প্ৰতিষ্ঠানে। সাধাৰণতে নিৰ্ধাৰিত পৰিমাণৰ টকা আপোনাৰ বেছিক ছেলাৰীৰ পৰা কটা হ’ব। ধৰক যদি আপোনাৰ নটিচ পিৰিয়ড ৩০ দিনৰ হয়, কিন্তু আপুনি ১৭ দিনৰ নটিচ পিৰিয়ড ছাৰ্ভ কৰিছে, তেন্তে বাকী ১৩ দিনৰ বাবে আপোনাক টকা দিব লাগিব। এয়া সাধাৰণতে ফাইনেল ছেটেলমেণ্টত হয়।