২৪ অক্টোবৰত বিবাহপাশত আবদ্ধ হৈছিল বলীউদৰ গায়িকা নেহা কক্কৰ। হিচাপত তিনি মাহো হোৱা নাই বিয়াৰ। তাৰ পূৰ্বেই ভাল খবৰ দিলে জনপ্ৰিয় গায়িকাগৰাকীয়ে। (ফটো : সংগৃহীত)
বিয়াৰ দুমাহ পিছত ৰোহণপ্ৰীতক কাষত লৈ প্ৰথমবাৰৰ বাবে বেবী বাম্পৰ ফটো শ্বেয়াৰ কৰিছিল নেহাই। বহুতে ইয়াকে লৈ আনন্দ প্ৰকাশ কৰাৰ লগতে একাংশই ট্ৰ’লো কৰিছিল। কিন্তু পিছত জানিব পৰা গ’ল যে সেয়া আছিল এক মিউজিক ভিডিঅ’ৰ প্ৰম’চনেল ষ্ট্ৰেটেজী। (ফটো : ইনষ্টাগ্ৰাম)
কিন্তু এইবাৰ সঁচাকৈয়ে এক সুখবৰ দিলে নেহাই। যাৰ ফলত আবেগিক হৈ পৰে নেহাৰ স্বামী ৰোহণপ্ৰীতো। ভাতৃ টনি কক্কৰেও শুভেচ্ছা জনালে নেহাক। (ফটো : ইনষ্টাগ্ৰাম)
আপুনি নিশ্চয় ভাবিছে এনে কি খবৰ নেহাৰ? এই খবৰ শুনি আপুনিও আনন্দিত হ’ব এজন ভাৰতীয় হিচাপে। নেহাৰ অনুৰাগী হ’লেতো কথাই নাই। (ফটো : ইনষ্টাগ্ৰাম)
এৱাৰ্ড পাইছে নেহাই। হয় ঠিকেই শুনিছে আপুনি। প্ৰথম ভাৰতীয় সংগীত শিল্পী হিচাপে ইউটিউবৰ ডাইমণ্ড এৱাৰ্ড লাভ কৰিছে নেহা কক্কৰে। সেই আনন্দৰ খবৰ দিবলৈ ফটো শ্বেয়াৰ কৰিছে নেহাই। (ফটো : ইনষ্টাগ্ৰাম)
এৱাৰ্ড লাভ কৰি স্বাভাৱিকতে আনন্দিত নেহা। সেয়ে সময় নষ্ট নকৰি ধন্যবাদ জ্ঞাপন কৰে পিতৃ–মাতৃ, ভাতৃ টনি কক্কৰসহ পৰিয়ালৰ লগতে অনুৰাগীসকলক। (ফটো : ইনষ্টাগ্ৰাম)
নেহাৰ ইউটিউব চেনেলৰ ছাবস্ক্ৰাইবাৰৰ সংখ্যা ১১.৮ মিলিয়ন। এই ইউটিউব চেনেলত প্ৰতিদিনে কিবা নহয় কিবা এটা আপডেট কৰি থাকে নেহাই। অৰ্থাৎ ইউটিউবত অত্যন্ত এক্টিভ নেহা। (ফটো : ইনষ্টাগ্ৰাম)
