প্ৰধানমন্ত্ৰী মাতৃ বন্দনা আঁচনিৰ অধীনত প্ৰথমবাৰ গৰ্ভধাৰণত আৰু শিশুক স্তন্যপান কৰোৱা মহিলাসকলক বিশেষকৈ আৰ্থিক সাহায্য প্ৰদান কৰে কেন্দ্ৰীয় চৰকাৰে। এই আঁচনিক গৰ্ভাৱস্থা সহায়তা আঁচনি নামেৰেও জনা যায়। (প্ৰতীকী ফটো) এই আঁচনিৰ সুবিধা পাবলৈ প্ৰথমবাৰ গৰ্ভধাৰণৰ পিছত নাম নথিভুক্ত কৰিব লাগিব যি নথি প্ৰয়োজনীয় সেইবোৰ হ’ল স্বামীৰ আধাৰ কাৰ্ড, বেংকৰ পাছবুকৰ জেৰক্স কপি। বেংক একাউণ্ট জইণ্ট হ’লে নহ’ব। এইক্ষেত্ৰত গৰ্ভৱতী মহিলাসকলে ৬০০০ টকা চাৰিটা কিস্তিত পাব। কেন্দ্ৰৰ ফালৰ পৰা এয়া এক সুন্দৰ পদক্ষেপ বুলি ক’ব পাৰি। এই আঁচনিৰ অন্তৰ্গত হ’বলগীয়া মাতৃসকলক পুষ্টি প্ৰদানৰ বাবে মুঠ ৬০০০ টকা দিয়া হ’ব। প্ৰথম কিস্তিত ১০০০ টকা, দ্বিতীয় কিস্তিত ২০০০ টকা আৰু তৃতীয় কিস্তিত ১০০০ টকা আৰু চতুৰ্থ কিস্তিত ২০০০ টকা দিয়া হ’ব। চৰকাৰী চাকৰিয়াল মহিলাসকলে এই আঁচনিৰ সুবিধা নাপাব। চৰকাৰী নিৰ্দেশনাত সেয়া উল্লেখ আছে। প্ৰধানমন্ত্ৰী মাতৃ বন্দনা আঁচনিৰ অন্তৰ্গত হিতাধিকাৰীসকলে আশা বা এএএনএছৰ জৰিয়তে আবেদন কৰিব পাৰিব। অনলাইনতো আবেদন কৰিব পাৰে তেওঁলোকে। আঁচনিৰ সুবিধা সকলো মহিলাই যাতে লাভ কৰে সেয়া নিশ্চিত কৰিব কেন্দ্ৰই। প্ৰসৱ চৰকাৰী হাস্পতালতে হওক বা বেচৰকাৰী হাস্পতালতে হওক সকলোৱে পাব এই সুবিধা। মোদী চৰকাৰৰ এই প্ৰধানমন্ত্ৰী মাতৃবন্দনা আঁচনিত বৰ্তমান গৰ্ভৱতী মহিলাসকলে ৫০০০ টকাকৈ আৰ্থিক সাহায্য লাভ কৰে। এই আঁচনি আৰম্ভ হৈছিল ২০১৭ চনত।
