তাৰকা মহিলা ক্ৰিকেটাৰ মিতালী ৰাজ (Mithali Raj)এ আন্তৰাষ্ট্ৰীয় ক্ৰিকেটত ২২ বছৰৰ সুদীৰ্ঘ কেৰিয়াৰ সম্পূৰ্ণ কৰিলে। ক্ৰিকেটৰ ভগৱান শচীন তেণ্ডুলকাৰ (Sachin Tendulkar)ৰ পিছত এই সফলতা লাভ কৰা দ্বিতীয় ক্ৰিকেটাৰ হ'ল মিতালী ৰাজ। (Instagram) ৰাজস্থানত জন্মগ্ৰহণ কৰা মিতালী ৰাজে মহিলা ক্ৰিকেটক অনন্য মাত্ৰা প্ৰদান কৰিছে। তেওঁ অলেখ মতুন মহিলা ক্ৰিকেটাৰৰ বাবে আদৰ্শ স্বৰূপ। এদিনীয়া ক্ৰিকেটত ২২ বছৰ সম্পূৰ্ণ কৰিলে এইগৰাকী মহান ক্ৰিকেটাৰে।(Instagram) ১৯৯৯ চনৰ ২৬ জুনত আন্তৰাষ্ট্ৰীয় ক্ৰিকেটত অভিষেক ঘটাইছিল মিতালী ৰাজে। আয়াৰলেণ্ডৰ বিৰুদ্ধে নিজৰ প্ৰথমখন খেল খেলিছিল মিতালী ৰাজে। আজি এদিনীয়া ক্ৰিকেটত মিতালীয়ে সম্পূৰ্ণ কৰিলে ২২ বছৰ। শচীন তেণ্ডুলকাৰৰ এদিনীয়া কেৰিয়াৰ আছিল ২২ বছৰ ৯১ দিন।(Instagram) মহান ক্ৰিকেটাৰ শচীন তেণ্ডুলকাৰে ১৯৮৯ চনৰ ১৮ ডিচেম্বৰত পাকিস্তানৰ বিৰুদ্ধে নিজৰ প্ৰথমখন খেল খেলিছিল। শচীনে অন্তিমখম এদিনীয়া খেলো পাকিস্তানৰ বিৰুদ্ধেই খেলিছিল, ২০১২ চনৰ ১৮ মাৰ্চত। সেইখন খেলত তেণ্ডুলকাৰে ৪৮টা বলত ৫২ ৰাণ কৰিছিল। (Instagram/Vinod Kambli) ৩৮ বছৰীয়া মিতালী ৰাজে নিজৰ কেৰিয়াৰত ১১খন টেষ্ট আৰু ২১৪ খন এদিনীয়াত অংশ লৈছে। টি-২০ মেচ খেলিছে ৮৯খন। মিতালীয়ে টেষ্টত এটা শতক আৰু ৪টা অৰ্ধশতকসহ মুঠ ৬৬৯ ৰাণ কৰিছে, এদিনীয়াত ৭টা শতক আৰু ৫৫টা অৰ্ধশতকসহ মুঠ ৭০৮৯ ৰাণ কৰিছে আৰু টি-২০ খেলত ১৭টা অৰ্ধশতকৰ সৈতে ২৩৬৪ ৰাণ কৰিছে।(Instagram) এদিনীয়া ক্ৰিকেটত ৬০০০ ৰাণ সম্পূৰ্ণ কৰা প্ৰথম মহিলা ক্ৰিকেটাৰ হ'ল মিতালী ৰাজ। মিতালীৰ পিছতে দ্বিতীয় স্থানত আছে ইংলেণ্ডৰ প্ৰাক্তন খেলুৱৈ চাৰ্লট এডৱাৰ্ডছ যি এদিনীয়াত ৫৯৯২ ৰাণ কৰিছিল।(twitter)
