মায়ান্তি লাংগাৰ অনুপস্থিত। ব্যক্তিগত কাৰণত চলিত আইপিএলৰ সঞ্চালিকাৰ দায়িত্বৰ পৰা আঁতৰি আছে মায়ন্তি। গতিকে তানিয়া পুৰোহিতে এইবাৰ চম্ভালিছে এই দায়িত্ব। জমাইছে আইপিএলৰ মেচৰ পৰৱৰ্তী টক শ্ব। তানিয়াৰ সৌন্দৰ্য আৰু ক্ৰিকেটৰ জ্ঞান দেখি মুগ্ধ হৈ পৰিছে ক্ৰিকেট অনুৰাগী। আইপিএলত ক্ৰিকেট লাইভ শ্বুত প্ৰাক্তন ক্ৰিকেটাৰ ইৰফান পাঠানৰ সৈতে দেখিবলৈ পোৱা গৈছে তানিয়াক। দুয়োজনে বেচ আকৰ্ষণীয় কৰি তুলিছে অনুষ্ঠানটো। কিন্তু ইয়াৰ পূৰ্বে কোনো ধৰণৰ ক্ৰিকেটৰ শ্বুত দেখিবলৈ পোৱা নগৈছিল তানিয়াক। অনুষ্কা শৰ্মা অভিনীত NH 10 ছবিত তানিয়াক দেখিবলৈ পোৱা গৈছিল। আৰু তাৰ পিছৰ পৰাই তেওঁ সঞ্চালিকাৰ কাম কৰি আহিছে।উত্তৰাখণ্ডৰ শ্ৰীনগৰ চহৰত ঘৰ তানিয়াৰ। পেছাগত কাৰণত এতিয়া থাকে মুম্বাইত। নিউজ এংকৰ দীপক ডোভালৰ পত্নী তানিয়া। মাছ কমিউনিকেশ্যনত এম এ কৰিছে তানিয়াই। হিন্দীতেই সঞ্চালনা কৰে তেওঁ। আনকি ক্ৰিকেটৰ জ্ঞানো ভাল।
