অক্সফ’র্ড ভেকচিনৰ দুটা ড’জৰ সর্বোচ্চ দাম হ’ব ইমান, ভাৰতত পোৱা যাব ফেব্ৰুৱাৰী মাহত!
২০২১ বৰ্ষৰ ফেব্রুয়াৰী মাহৰ ভিতৰত স্বাস্থ্যকৰ্মী তথা বয়সীয়াল লোকসকলৰ কাৰণে এই ভেকচিন পোৱা যাব। লগতে অহা বছৰৰ এপ্ৰিল মাহত সেয়া সকলোৰে কাৰণে দেশৰ ৰাজ্যসমূহত পোৱা যাব।
ভাৰত অক্সফ’র্ড ইউনিভাৰ্চিটি তৈয়াৰ কৰা কোৰোণাৰ ভেকচিনৰ দুটা ড’জৰ সৰ্বোচ্ছ দাম হ’ব ১০০০ টকা। চিৰাম ইনষ্টিটিউটৰ চিইঅ’ আদৰ পুনাৱালাই এই কথা জনায়।
আদৰ পুনাৱালাৰ দাবী, ২০২১ বৰ্ষৰ ফেব্রুয়াৰী মাহৰ ভিতৰত স্বাস্থ্যকৰ্মী তথা বয়সীয়াল লোকসকলৰ কাৰণে এই ভেকচিন পোৱা যাব। লগতে অহা বছৰৰ এপ্ৰিল মাহত সেয়া সকলোৰে কাৰণে দেশৰ ৰাজ্যসমূহত পোৱা যাব। তথাপিও সকলো কথা নিৰ্ভৰ কৰিছে চূড়ান্ত পৰ্বৰ ট্ৰায়েল তথা চৰকাৰী অনুমোদনৰ ওপৰত।
হিন্দুস্তান টাইমচ লীডাৰশ্বিপ চামিটতত ব্যক্তব্য ৰখা আদৰ পুনাৱালাই জনায়, ২০২৪ বৰ্ষৰ ভিতৰত প্ৰত্যেক ভাৰতীয়ই কোৰোণাৰ টিকাকৰণ পাব।
পুনাৱালাই জনায়, বজাৰত এই ভেকচিনৰ প্ৰতিটো ড’জৰ দাম হ’ব ৫ৰ পৰা ৬মাৰ্কিন ডলাৰ। সেই হিচাপত দুটা ড’জৰ সৰ্বাধিক দাম হ’ব ১০০০ টকা৷ ভাৰত চৰকাৰে ইয়াতকৈও কম দামত এই ভেকচিন কিনিব। বজাৰত অন্যান্য যি ভেকচিন আছে তাৰ তুলনাত অক্সফ’ৰ্ড ভেকচিনৰ দাম কৰি ৰখা হ’ব, সেই দাবী আদৰ পুনাৱালাৰ।
তেওঁ লগতে আৰু দাবী কৰে, অক্সফ’ৰ্ড ভেকচিনৰ কাৰ্যকৰীতা যথেষ্ট ভাল তথা ট্ৰায়েলত ইয়ে বয়সীয়াল মানুহৰ শৰীৰতো যথেষ্ট ভাল কাম কৰিছে। পুনাৱালাই জনায়, এই ভেকচিন প্ৰয়োগৰ পিছত শৰীৰত টি চেল নিৰ্মান হয় যি কোৰোণাৰ বিৰুদ্ধে দীৰ্ঘম্যাদী প্ৰতিৰোধ ক্ষমতা গঢ়ি তোলাৰ কাৰণে সক্ষম৷ কিন্তু বাস্তৱত প্ৰকৃততে কোনটো ভেকচিনে কিমান দীঘলীয়া সময় মানুহৰ শৰীৰত প্ৰতিৰোধ ক্ষমতা ধৰি ৰাখিব সেয়া এতিয়াই কোৱাটো সম্ভৱ নহয় বুলি কয় আদৰ পুনাৱালাই।
ব্রিটেইনৰ চৰকাৰী কর্তৃপক্ষ তথা ইউৰোপিয়ান মেডিচিনছ ইভালুৱেশ্যন এজেন্সীয়ে জৰুৰী ভিত্তিত অক্সফ’ৰ্ড ভেকচিনৰ অনুমতি দিলে ভাৰতেও এই ভেকচিনৰ ইমার্জেন্সি ব্যৱহাৰৰ কাৰণে ড্ৰাগ কণ্ট্ৰ’লাৰৰ ওচৰত আৱেদন কৰিব বুলি জনায় পুনাৱালাই৷ গতিকে জৰুৰী ভিত্তিত অনুমোদন পালেও কেৱল স্বাস্থ্যকর্মী, সন্মুখৰ শাৰীত থকা কোৰোণা যোদ্ধা তথা বয়স্কসকলৰ ওপৰতে এই ভেকচিনৰ প্ৰয়োগ কৰা হ’ব।
ইয়াৰ লগতে যিমান দিনলৈ এই ভেকচিন ১০০শতাংশ নিৰাপদ বুলি প্ৰমাণিত নহয় সিমানদিন শিশুৰ ওপৰত এই ভেকচিন প্ৰয়োগ কৰা নহয় বুলি জনায় পুনাৱালাই। নহ’লে শিশুৰ ক্ষেত্ৰত কোৰোণা অত্যন্চ প্ৰাণঘাতক বা ভয়ংকৰ নহয় বুলিও আশ্বস্ত কৰে পুনাৱালাই।
এইপৰ্যন্ত এই ভেকচিনৰ প্ৰয়োগৰ পিছত কোনো পাৰ্শ্বপ্ৰতিক্ৰিয়া বা শাৰীৰিক সমস্যা কাৰো মাজত দেখা নাই বুলিও জনায় পুনাৱালাই। লগতে তেওঁ জনায়. ভাৰতত ট্ৰায়েলৰ পিছত এই ভেকচিনৰ কাৰ্যকৰীতা তথা প্ৰতিৰোধ ক্ষমতা ধৰি ৰখাৰ কথা একৰ পৰা ডেৰমাহৰ ভিতৰত স্পষ্ট হ’ব। তেতিয়াই সম্পূৰ্ণ বিষয়টো স্পষ্ট হ’ব।
ফেব্রুয়াৰী মাহৰ পৰাই ভাৰতত মাহেকত ভেকচিনৰ ১০কোটি ড’জ উৎপাদনৰ লক্ষ্য লৈছে চিৰাম ইনষ্টিটিউটে। তাৰ মাজতো কি পৰিমাণৰ ভেকচিন ভাৰতে পাব সেয়া এতিয়াও চুক্তি চূড়ান্ত হোৱা নাই। ২ ৰ পৰা ৮ ডিগ্রী চেলছিয়াছ তাপমাত্রাৰ মাজত এই ভেকচিন মজুত কৰি ৰখা যাব। ফলত ভাৰতৰ ক’ল্ড ষ্ট’ৰেজসমূহত এই ভেকচিন ৰখাত সমস্যা নহ’ব।
