Knife Massage: এনে মালিচ দেখিছেনে, যি দুখন ডাঙৰ ছুৰীৰে আঘাত কৰি কৰা হয়, ২০০০ বছৰ পুৰণি পদ্ধতি

এতিয়ালৈকে আপুনি তেল বা ক্ৰিমেৰে কৰা মালিচৰ বিষয়ে শুনিছে। টাইৱান(Taiwan)ত এইবোৰৰ উপৰি কৰা হয় আন এক মালিচ, যি আটাইতকৈ বিপজ্জনক মালিচ বুলি গণ্য কৰা হয়। প্ৰায় ২০০০ বছৰ পুৰণি এই মালিচ।

দৰাচলতে ইয়াত মালিচ কৰা থেৰাপিষ্টসকলে দুখন ডাঙৰ ছুৰী ব্যৱহাৰ কৰে। ৰাজধানী টাইপেই (Taipei)ত এনে বহুতো মাছাছ পাৰ্লাৰ আছে, য'ত এনেদৰে মালিচ কৰে। ইয়াত থেৰাপিষ্টে ৰাসায়নিক পদাৰ্থৰে ছুৰী দুখন বীজাণুমুক্ত কৰাৰ পিছত গোটেই শৰীৰটোত ছুৰীৰে সাধাৰণকৈ আঘাত কৰে। অৱশ্যে, ইয়াৰ আগেয়ে শৰীৰটো কাপোৰেৰে ঢাকি ৰখা হয়।

মালিচ কৰাৰ সময়ত শৰীৰটো ঢিলা কৰাৰ লগতে চকু বন্ধ ৰখা প্ৰয়োজন। এই মালিচৰ থেৰাপিষ্টসকলে কয় যে তেওঁলোকে এই মালিচৰ জৰিয়তে শৰীৰৰ প্ৰকৃত শক্তি আৰু জীৱনীশক্তি বৃদ্ধি কৰে।

এই বিপজ্জনক মালিচৰ জৰিয়তে ফিজিকেল আৰু ইমোচনেল হিলিং (Emotional Healing) কৰিব পাৰি। তেওঁৰ মতে, চীনত এইধৰণৰ মালিচ কৰাৰ পদ্ধতি ২০০০ চনৰ পৰা চিকিৎসা প্ৰণালী ৰূপে চলি আহিছে।

আজিৰ দিনত জাপান আৰু চীনত ছুৰী-মালিচ কৰা পাৰ্লাৰ বিচাৰি পোৱাটো কঠিন। কিন্তু টাইৱানত ই পুনৰ আৰম্ভ হৈছে। ব্যস্ত জীৱনত উদ্ভৱ হোৱা চাপৰ পৰা পৰিত্ৰাণ পাবলৈ মানুহে এতিয়া এনে মালিচৰ আশ্ৰয় লোৱাত ইয়াৰ চাহিদা বাঢ়ি আহিছে।

এয়া ঠিক চীনৰ আকুপাংচাৰ চিকিৎসাৰ দৰে। আনহাতে যিসকলে এই মালিচৰ প্ৰশিক্ষণৰ বাবে আহে, তেওঁলোকে বিশ্বাস কৰে যে ছুৰীৰে কৰা মালিচৰ এই কৌশলবোৰৰ এক নেদেখা শক্তি আছে, যি কেৱল মানুহক চাপৰ পৰা সকাহ দিয়াই নহয়, ভিন্ন শাৰীৰিক ৰোগৰ পৰাও সকাহ দিয়ে।