ফ্লেটত ওলমি থকা মৃতদেহ উদ্ধাৰ! এইবাৰ জীৱন ত্যাগ কৰিলে জনপ্ৰিয় মাৰাঠী অভিনেতাই

সুশান্ত সিং ৰাজপুতৰ আত্মহত্যাৰ ঘটনাযত শোকস্তব্ধ সমগ্ৰ দেশ ৷ অভিনেতাৰ মৃত্যুৰ কাৰণৰ অনুসন্ধান কৰিছে আৰক্ষীয়ে ৷ তাৰ মাজতে আৰু এটা বেয়া খবৰ ৷ এইবাৰ আত্মহত্যা কৰিলে মাৰাঠী অভিনেতা আশুতোষ ভাকৰেই ৷

মহাৰাষ্ট্রৰ নানদেদ চহৰত নিজৰ ঘৰতেই চিপ লৈ আত্মহত্যা অভিনেতাৰ ৷ মাত্র ৩২ বছৰ বয়সতে নিজকে শেষ কৰি দিলে অভিনেতাজনে ৷ কিয় তেওঁৰ এই চৰম সিদ্ধান্ত ? সেয়া কোনেও বুজিব পৰা নাই।

নানদৰ গণেশ নগৰ এলেকাত আশুতোষৰ ফ্লেট। তাতেই ওলমি থকা অৱস্থাত পোৱা গ’ল অভিনেতাজনৰ মৃতদেহ।

কোৰোণাৰ কাৰণে দেশত লকডাউন। তাতে সমস্যাত ভুগিছে বিনোদন উদ্যোগৰ লোকসকলে। আশুতোষৰ আত্মহত্যাৰ কাৰণ অৱশ্যে এই পর্যন্ত জানিব পৰা হোৱা নাই। যদিও পৰিয়ালৰ সূত্ৰ অনুসৰি যথেষ্টদিন ধৰি মানসিকভাৱে অৱসাদগ্ৰস্ত হৈ পৰিছিল তেওঁ। কিছুদিন পূৰ্বে ছচিয়েল মিডিয়াত এটা ভিডিও শ্বেয়াৰ কৰিছিল আশুতোষে ৷ তাতেই ফুটি ওলাইছে এজন অৱসাদগ্ৰস্ত মানুহে কিয় আত্মহত্যা কৰে।

আশুতোষৰ স্ত্রী ময়ূৰী দেশমুখো মাৰাঠী টেলিভিশ্যনৰ জনপ্রিয় অভিনেত্রী ৷ ২০১৬ বৰ্ষত তেওঁৰ বিয়া হয় ৷ বিয়াৰ মাত্র চাৰি বছৰৰ পিছতেই আত্মহত্যাৰ চৰম সিদ্ধান্ত আশুতোষৰ ৷