বলিউডৰ ছবিত অন্তৰংগ দৃশ্যত নিজক চম্ভালিব নোৱাৰি নায়িকাৰ সৈতে অভব্য আচৰণ এইসকল অভিনেতাৰ

বলিউডৰ ৰোমাণ্টিক অন্তৰংগ দৃশ্য বা ধর্ষণৰ দৃশ্য শ্বুটিঙৰ সময়ত বহু সময়ত নায়িকাসকলে অভিনেতাৰ অভব্য আচৰণৰ সন্মুখীন হ’বলগীয়া হৈছে। বহু সময়ত আনকি এনে পৰিস্থিতিৰ সৃষ্টি হৈছে যে নায়িকাই লজ্জাজনক পৰিস্থিতিতো পৰিবলগীয়া হৈছে। পৰৱৰ্তী সময়ত এনে বহু অভিনেতাৰ সৈতে নায়িকাই কমা নকৰাৰ সিদ্ধান্তও লৈছে। পেছাদাৰী মনোভাৱ ত্যাগ কৰি ব্যক্তিগত আৱেগত উটি যোৱা এনে অভিনেতাৰ কাৰণে শ্বুটিং স্পটত বাঢ়িছে অশান্তি। বলিউডৰ এনে কিছু ঘটনা তুলি ধৰা হ’ল।

মিঠুন আৰু মাধুৰীৰ চিনেমা প্ৰেম প্ৰতিজ্ঞাত এনে ধৰণৰ এটা ঘটনা ঘটিছিল। অৱশ্যে সেই কাণ্ড মিঠুনে নহয় কৰিছিল ৰঞ্জিতে। মাধুৰীৰ সৈতে অভব্য আচৰণ কৰা ৰঞ্জিত চিনেমাখনৰ ভিলেইন আছিল। এটা দৃশ্যত তেওঁ মাধুৰীৰ শ্লীলতা হানি কৰিব লাগে আৰু তাতেই তেওঁ নিজকে সম্বৰণ কৰিব নোৱাৰা হৈ পৰাত বাৰুকৈ ভয় খাইছিল মাধুৰীয়ে!

একেধৰণৰ ঘটনা ঘটিছিল দয়াবান ছবিতো। বিনোদ খান্নাৰ সৈতে মাধুৰীৰ অন্তৰংগ দৃশ্যৰ শ্বুটিং আছিল। কিন্তু তাতেই বিনোদ খান্নাই মাধুৰীৰ সৌন্দৰ্যত মোহিত হৈ নিজকে হেৰুৱাই পেলায় আৰু মাধুৰীৰ ওপৰত যৌনতা প্ৰয়োগ কৰে। এই কাণ্ডৰ কাৰণে বাৰুকৈ ককৰ্থনাৰ সন্মুখীন হৈছিল বিনোদ খান্না।

জয়াপ্রদাৰ সৈতে এখন চিনেমাত অভিনয় কৰিছিল দিলীপ তাহিলে। শ্বুটিং আৰম্ভ হোৱাৰ পৰাই নিজৰ ওপৰত নিয়ন্ত্ৰণ হেৰুৱাই দিলীপে জয়াপ্ৰদাক জোৰকৈ ধৰিছিল। নিজকে দিলীপৰ কৱলৰ পৰা কোনোপধ্যে মুক্ত কৰিব নোৱাৰি তেওঁ দিলীপ তাহিলক চৰ শোধাবলৈ বাধ্য হৈছিল জয়াপ্ৰদা।

য়ে জাৱানী হ্যে দিৱানীৰ এটা দৃশ্যত দেখা গৈছিল যে ইভলিন শৰ্মাই খোজকাঢ়োতে দুখ পোৱাৰ পিছত ৰণবীৰে সেই দুখ পোৱা ঠাইত হাত ফুৰাই ফ্লাৰ্ট কৰে। সেই দৃশ্য কৰোতে ৰণবীৰ ইমানেই মত্ত হৈ পৰে যে, তেওঁ পৰিচালকে কাট কোৱাৰ পিছতো ইভলিনৰ সৈতে ফ্লাৰ্ট কৰিয়ে থাকে।

শেহতীয়াকৈ জেকলিন তথা সিদ্ধাৰ্থ মালহোত্ৰাৰ চিনেমা এ জেণ্টলমেনৰ শ্বুটিঙৰ সময়ত তেওঁলোকৰ মাজত দেখা পোৱা ‘কেমিষ্ট্ৰী’ক লৈ বাৰুকৈ চৰ্চা হৈছিল। এটা চুম্বনৰ দৃশ্যৰ সময়ত দুয়ো ইমানেই মত্ত হৈ পৰে যে পৰিচালকে কাট কোৱাৰ পিছতো সম্বিত ঘুৰাই পোৱা নাছিল।