আজিয়ে এই কাম নকৰিলে বন্ধ হৈ যাব আপোনাৰ LPG গেছৰ ডেলিভাৰী

এক নৱেম্বৰৰ পৰা সলনি হৈছে এলপিজি গেছ চিলিণ্ডাৰৰ কিছু নিয়ম। নতুন নিয়ম অনুসৰি কিছু কাম নকৰিলে ইয়াৰ পিছত ৰিফিল গেছ পোৱাৰ ক্ষেত্ৰত যথেষ্ট অসুবিধাৰ সন্মুখীন হ’ব গ্ৰাহকসকল।

ৰন্ধন গেছৰ চিলিণ্ডাৰক লৈ জালিয়াতি ৰোধ কৰাৰ নতুন নিয়ম জাৰি কৰিছে তৈল কোম্পানীয়ে। সঠিক গ্রাহকক চিনি পাবলৈ এতিয়া গেছ বুক কৰাৰ লগতে গ্ৰাহকৰ ৰেজিষ্টাৰ্ড মবাইল নম্বৰত OTP পঠিয়াব লাগিব। গেছ ডেলিভাৰিৰ সময়ত সেই OTP নিদিলে গেছ নাপায় গ্ৰাহসকলে।

চৰকাৰী তৈল কোম্পানীৰ মতে, নৱেম্বৰৰ পৰা দেশৰ এশখন চহৰত এই প্ৰক্ৰিয়াৰে চলিব এলপিজি ৰন্ধন গেছৰ ডেলিভাৰী। ফলত গ্রাহকে সঠিক ম’বাইল নম্বৰ ৰেজিষ্টাৰ্ড কৰাটো প্ৰয়োজন হ’ব। ৰেজিষ্টাৰ্ড ম’বাইল নম্বৰ গ্ৰাহকৰ সৈতে নাথাকিলে তেওঁ OTP নাপাব আৰু OTP নিদিলে চিলিণ্ডাৰ নাপায়। গতিকে তৈল কোম্পানীসমূহে গ্ৰাহকৰ নাম, ম’বাইল নম্বৰ তথা ঠিকনা সঠিকভাৱে আপডেট কৰিবলৈ অনুৰোধ কৰিছে।

একেলগতে নৱেম্বৰ মাহৰ কাৰণে এলপিজিৰ ৰেট ইতিমধ্যে জাৰি কৰা হৈছে। ১৪ কেজিৰ ৰন্ধন গেছৰ চিলিণ্ডাৰৰ মূল্য অপৰিৱৰ্তিত হৈ আছে। চহৰভেদে দাম বাঢ়িছে কমাৰ্চিয়েল চিলিণ্ডাৰৰ। এই ঠাইসমূহত ৭৮টকা বেছিকৈ দিব লাগিব গ্ৰাহকে।