Lovlina Borgohain : অৱশেষত নিজৰ বাবে কিছু একান্ত সময় পালে লাভলীনাই, পৰিয়ালৰ সৈতে কটালে অমূল্য মুহূৰ্ত

অলিম্পিকৰ পদক জয় কৰি সমগ্ৰ দেশৰ নয়নৰ মণি হৈ পৰা লাভলীনা বৰগোহাঁই (Lovlina Borgohain)য়ে অৱশেষত নিজৰ বাবেও পালে কিছু অমূল্য সময়। টকিঅ'ৰ পৰা অসমলৈ অহাৰ পিছৰে পৰা নানানটা কাৰ্যসূচীত ব্যস্ত হৈ পৰিছিল লাভলীনা। গুৱাহাটীলৈ আহিও প্ৰথমবাৰ নিজৰ ঘৰখনলৈ যাবলৈ সময় পোৱা নাছিল লাভলীনাই। অৱশেষত পিত-ৃমাতৃৰ সৈতে এখন আপুৰুগীয়া ফটো উঠি থ'লে অসম গৌৰৱ লাভলনাই। (image: Lovlina Borgohain/FB)

বৰপথাৰৰ বাৰমুখীয়া গাঁৱৰ এইয়া নাৰী ব্ৰীগেড। ফটোত লাভলীনা বৰগোহাঁইক দেখা গৈছে মাতৃ আৰু দুই ভগ্নীৰ সৈতে। উল্লেখ্য যে লাভলীনাৰ দুয়োগৰাকী বায়েক ভাল খেলুৱৈ আৰু তেওঁলোক বৰ্তমান কেন্দ্ৰীয় চৰকাৰৰ চাকৰিয়াল। (image: Lovlina Borgohain/FB)

এটা ফ্ৰেমত সম্পূৰ্ণ পৰিয়াল! এখন বিশেষ ফটো। লাভলীনা বৰগোহাঁইৰ সৈতে পিতৃ-মাতৃ, দুই ভগ্নী আৰু দুই ভীনিহী। অশেষ ব্যস্ততাৰ অন্তত এইয়া যেন একোটা অমূল্য ক্ষণ। (image: Lovlina Borgohain/FB)

টকিঅ' অলিম্পিকত (Tokyo Olympic 2020) জয় কৰা ব্ৰঞ্জৰ পদক লৈ লাভলীনা বৰগোহাঁইৰ সৈতে দুই ভগ্নী। এইখন চিৰযুগমীয়া ফটো শ্বেয়াৰ কৰিছে বক্সাৰ লাভলীনাই। (image: Lovlina Borgohain/FB)

১২ আগষ্টত প্ৰথম অসমলৈ আহিছিল যদিও বিভিন্ন কাৰ্যসূচীৰ বাবে সেইদিনা নিজৰ ঘৰলৈও যাব পৰা নাছিল লাভলীনা বৰগোহাঁই। তাৰ পিছত পুনৰ ১৮ আগষ্টত ঘৰলৈ আহে লাভলীনা। বিশাল ৰেলীৰে লাভলীনাক আদৰি অনা হয় বাৰমুখীয়াৰ ঘৰলৈ। সেই সময়ত অতি আবেগিক দেখা গৈছিল বজ্ৰকন্যা লাভলীনাক। (image: Lovlina Borgohain/FB)

তুৰ্কীৰ বুছেনাজ ছাৰ্মেনেলী (Busenaz Surmeneli)ৰ বিৰুদ্ধে অলিম্পিকৰ ছেমি ফাইনেলত পৰাস্ত হৈছিল লাভলীনা বৰগোহাঁই। কিন্তু তাৰ পূৰ্বেই ইতিহাস ৰচনা কৰি লাভলীনাই অসমলৈ কঢ়িয়াই আনিছিল অসমৰ প্ৰথমটো অলিম্পিক পদক। লাভলীনা বৰগোহাঁইৰ নাম অসমৰ ক্ৰীড়া ইতিহাসত চিৰদিন সোণালী আখৰেৰে লিখা থাকিব।