ভালে ৰাখে হাৰ্ট, চকু ; ৰক্ষা কৰে ৰক্তহীনতাৰ পৰা, ড্ৰাই ফ্ৰুটছৰ আছে বহু গুণাগুণ

বহু সমীক্ষাত দেখা গৈছে যে, শৰীৰৰ বাবে অতি উপকাৰী ড্ৰাই ফ্ৰুটছ। যি নিয়মিত নিজৰ খাদ্যৰ তালিকাত ড্ৰাই ফ্ৰুটছ ৰাখে, সেই সকল লোক বহু ৰোগৰ পৰা হাত সাৰি থাকিব পাৰে। ড্ৰাই ফ্ৰুটছৰ আছে বহু উপকাৰী গুণ

একাধিক ৰোগৰ পৰা ৰক্ষা কৰে ড্ৰাই ফ্ৰুটছেঃ
ফাইবাৰ আৰু এণ্টিঅক্সিডেণ্টচ ভৰপুৰ থাকে ড্ৰাই ফ্ৰুটছত। ড্ৰাই ফ্ৰুটছ প্ৰতিদিনে খাদ্যৰ তালিকাত থাকিলে ডায়েবেটিছ, অ’বেচিটীৰ দৰে ৰোগ নিয়ন্ত্ৰণত থাকে। ড্ৰাই ফ্ৰুটছে কৰ্কটৰ দৰে দুৰাৰোগ্য ৰোগো প্ৰতিৰোধ কৰে। সেইদৰে হাৰ্ট ডিজিজ, ব্ৰেইনৰ বিভিন্ন ৰোগৰ পৰা দূৰত ৰাখে। কোষ্টকাঠিন্যৰ সমস্যাৰ পৰাও হাত সাৰিব পাৰি।

শুকান খেজুৰ সদায়েই বজাৰত পোৱা যায়। প্ৰতিদিনে এটাকৈ খালে দিনটো একেটিভ কৰি ৰাখে। খেজুৰত প্ৰচুৰ পৰিমাণে এনাৰ্জী থাকে। ইয়াত প্ৰাকৃতিক ভাবেই চেনী থাকে। ড্ৰাই ফ্ৰুটছে এমনিয়া দূৰ কৰে। গৰ্ভৱতী  মহিলাক চিকিত্‍সকে ড্ৰাই ফ্ৰুটছ খোৱাৰ পৰামৰ্শ দিয়ে।

শুকন ‘cranberry’ ত প্ৰচূৰ পৰিমাণে এনথোচাইনিনছ থাকে। এই উপাদানে কৰ্কট ৰোগৰ লগতে ইনফ্লেমেটৰী ডিজিজ প্ৰতিহত কৰে। নিউট্ৰিশ্যন জাৰ্নেলত প্ৰকাশিত এটা সমীক্ষাত প্ৰকাশ পাইছে যে,  ‘cranberry’ ৰ এই উপাদানে ইউৰিন ইনফেকশ্যন দূৰ কৰাত সহায় কৰে।

বহু সমীক্ষাত প্ৰকাশ পাইছে যে, সূৰ্যৰশ্মীতে ফল শুকুৱালে ফলত এণ্টিঅক্সিডেণ্টছ আৰু ফাইটোনিউট্ৰিয়েন্টছ বাঢ়ি যায়।

শাৰীৰিক গঠনত সহায় কৰে। মাইক্ৰোনিউট্ৰিয়েনটছ, কেলচিয়াম, ভিটামিন, মিনাৰেলছ যথেষ্ট পৰিমাণে থাকে ড্ৰাই ফ্ৰুটচত। যি শাৰীৰিক গঠনত সহায় কৰে।