চুলি পাতল হৈ গৈছে নেকি? চুলি পকিলে ৰং বা হাইলাইট কৰা হয়, কিন্তু চুলি সৰি গ’লে কৰিবলৈ যেন একো নাথাকে। পাতল চুলিৰ ফাকে ফাকে তালু দেখা গ’লে কাৰোৱেই ভাল নালাগে। জানি লওক ঘৰুৱা উপায়েৰে কিদৰে উপশম পাব এই সমস্যাৰ। চুলি সৰাৰ সমাধান কৰিব পাৰে কণীয়ে। কণীত থকা প্ৰটিন, ভিটামিন বি ১২, আইৰণ, জিংক আৰু অ’মেগা ছিক্স ফেটি এচিডে চুলিৰ বৃদ্ধি আৰু ঘনত্ব বঢ়াত সহায় কৰে। এটা কণীৰ সৈতে ১ টেবুল চামুচ অলিভ অইল মিহলাই ভালদৰে ফেটি মিহি মাস্ক তৈয়াৰ কৰক। অলিভ অইলৰ সলনি নাৰিকলৰ তেলো ব্যৱহাৰ কৰিব পাৰে। এই মিশ্ৰণ ভালদৰে তালুত মাছাজ কৰক। চুলিৰ গুৰিৰ পৰা আগলৈ মাছাজ কৰক। মাছাজ কৰি ৩০ মিনিট ৰাখক। তাৰ পিছত ঠাণ্ডা পানীৰে ধুই পেলাওক। গৰম পানী ব্যৱহাৰ নকৰিব।
