বিনিয়োগ প্ৰতিজন লোকৰ বাবে অত্যন্ত গুৰুত্বপূৰ্ণ বিষয়। বিনিয়োগৰ টকা সুৰক্ষিত ৰখাৰ দিশত সকলোৰে নজৰ থাকে। নিজৰ সাঁচতীয়া ধন সুৰক্ষিত ৰাখিবলৈ বা ভাল ৰিটাৰ্ণৰ বাবে উত্তম বিকল্প হৈছে কিষাণ বিকাশ পত্ৰ (Kisan Vikas Patra)। পোষ্ট অফিচৰ এই আঁচনিত টকা বিনিয়োগ কৰিলে সেই টকা সুৰক্ষিত থকাৰ লগতে অধিক সুদ পোৱা যায়। কিষাণ বিকাশ পত্ৰ আঁচনিখন ১৯৮৮ চনত আৰম্ভ হৈছিল। কৃষকসকলে বিনিয়োগ কৰা ধন দুগুণ কৰাই লক্ষ্য এই আঁচনিৰ। ১২৪ মাহ বা ১০ বছৰ ৪ মাহৰ বাবে টকা জমা কৰিলে হ’ব পাৰে দুগুণ। বছৰি সুদ ৬.৯ শতাংশ। ইয়াৰ পূৰ্বে কিষাণ বিকাশ পত্ৰৰ সুদৰ হাৰ আছিল ৭.৬ শতাংশ। ভালদৰে বিনিয়োগ কৰিবলৈ গ’লে ১০ বছৰ ৪ মাহত সেয়া দুগুণ হয়। ১০০০ টকা, ৫০০০ টকা, ১০,০০০ টকা আৰু ৫০,০০০ টকা বিনিয়োগ কৰিব পাৰে। ৫০ হাজাৰ টকাৰ বেছি বিনিয়োগ কৰিবলৈ পেন কাৰ্ড আৱশ্যক। ১০ লাখ টকা জমা কৰিলে আয়ৰ প্ৰমাণপত্ৰ দিব লাগিব। অৰ্থাৎ আইটিআৰ, ছেলাৰী শ্লিপ, বেংক ষ্টেটমেণ্ট। লগতে আধাৰ কাৰ্ড প্ৰয়োজন পৰিচয় পত্ৰ হিচাপে। এই আঁচনিত ১৮ বছৰ বা তাতকৈ বেছি বয়সৰ সকলো ভাৰতীয়ই একাউণ্ট খুলিব পাৰে। একাউণ্ট খুলিবলৈ গ’লে বয়সৰ কোনো বিশেষ সীমা নাই। নাবালকৰ বাবেও কিষাণ বিকাশ পত্ৰ ক্ৰয় কৰিব পাৰে।
