Janmashtami 2021: জন্মাষ্টমীত উপবাস পালনৰ কথা ভাবিছে যদি এইকেইটা নিয়ম মানি চলিবলৈ নাপাহৰিব।

কেইদিনমান পিছতেই জন্মাষ্টমী। ভগৱান বিষ্ঞুৰ অষ্টম অৱতাৰ শ্ৰীকৃষ্ঞই কংসৰ কাৰাগাৰত দৈৱকীৰ গৰ্ভত জন্ম পাইছিল। ইতিমধ্যে জন্মাষ্টমী পালনৰ আয়োজন আৰম্ভ হৈ গৈছে। ভাদ মাহৰ কৃষ্ঞপক্ষৰ অষ্টমী তিথিত ৰোহিণী নক্ষত্ৰত জন্মাষ্টমী পালন কৰা হয়।

৩০ আগষ্ট, সোমবাৰে জন্মাষ্টমী। সোমবাৰে পুৱাৰ পৰাই তিথি আৰম্ভ হ'ব আৰু ৩১ আগষ্ট, মঙলবাৰে ৯ বাজি ৪৪ মিনিটত অন্ত পৰিব। কিন্তু অষ্টমী তিথি সোমবৰে নিশাই ১ বাজি ৫৯ মিনিটত শেষ হ'ব। ৰোহিনী নক্ষত্ৰ আৰম্ভ হ'ব পুৱা ৬ বাজি ৩৯ মিনিটৰ পৰা। পঞ্জিকা অনুযায়ী সোমবাৰ দিনৰ ১১ বাজি ৫৯ মিনিটৰ পৰা ১২ বাজি ৪৪ মিনিট পৰ্য়ন্ত আছে শুভ যোগ আৰু মঙ্গলবাৰ পুৱা ৯ বাজি ৪৪ মিনিটলৈ জন্মাষ্টমীৰ ব্রত পালন কৰিব পাৰিব।

প্ৰতিবছৰৰ দৰে এইবাৰো দেশত জন্মাষ্টমী পালনৰ আয়োজন আৰম্ভ হৈ গৈছে। আপুনিও যদি এই সময়ত উপবাস পালন কৰিব বিচাৰে তেনেহ'লে কেইটামান স্বস্থ্য সম্পৰ্কীয় বিধি মানি চলা উচিত।

যদি আপুনি উপবাসে থাকিব বিচাৰে তেনেহ'লে আগদিনা নিশা অতি লঘু তথা সহজে হজম হ'ব পৰা আহাৰ খাওক। ইয়াৰ ফলত আপোনাৰ পাচন ক্ষমতা সুস্থ আৰু স্বাভাৱিক হৈ থাকিব।(Photo Collected)

উপবাসৰ কেইদিন যদি ফল বেছিকৈ খায় তেনেহ'লে যি ফলত পানীৰ পৰিমামণ বেছি, যেনে তৰমুজ আদি অলপ বেছিকৈ খাব। ফলে শৰীৰৰ বাবে অপৰিহাৰ্য পুষ্টি আৰু ভিটামিন প্ৰদান কৰে। (Photo Collected)

মন কৰিব, উপবাস ভঙাৰ সময়ত একেবাৰতে বহুত বেছি পৰিমাণত একো নাখাব। এনে কৰিলে হজমৰ সমস্যাতো হয়েই, ওজনো বাঢ়ে। (Photo Collected)

উপবাস ভঙাৰ পিছত ভজা বস্তু, যেনে পকোৰী, ছিঙাৰা, চিপছ আনকি মিঠাইও খোৱাটো এৰাই চলক। বেছিকৈ ভজা বস্তু খালে এচিডিটীৰ সমস্যাৰ লগতে আপোনাৰ গেছৰ সমস্যাও হ'ব পাৰে। (Photo Collected)