দীপাৱলীৰ পূৰ্বে বিষাদ আৰম্ভ হৈছে শ্ৰফ পৰিয়ালত। দীৰ্ঘদিনৰ সম্পৰ্ক শেষ কৰি ঘৰলৈ উভতি আহিল জেকি শ্ৰফৰ কন্যা, টাইগাৰৰ ভগ্নী কৃষ্ণা শ্ৰফ। সৰুকালৰ বন্ধু ইবান হামছেৰ সৈতে সম্পৰ্ক বিচ্ছেদ হ’ল কৃষ্ণাৰ। বাস্কেটবল প্লেয়াৰ ইবানৰ সৈতে কিয় হঠাত্ সম্পৰ্ক বিচ্ছেদ হ’ল, সেয়া জানিব পৰা হোৱা নাই। সম্প্ৰতি নিজৰ ছচিয়েল মিডিয়া চাইটত ষ্টোৰী আপলোড কৰি কৃষ্ণাই সকলোকে অনুৰোধ কৰিছে তেওঁৰ সৈতে ইবানৰ ফটো একেলগ কৰি টেগ নকৰিবলৈ। কৃষ্ণা এতিয়া আৰু ইবানৰ সৈতে নাই। বহুবছৰীয়া প্ৰেমৰ সম্পৰ্কৰ পিছত লিভ-ইন ৰিলেশ্যনত আছিল ইবান আৰু কৃষ্ণা। তেওঁলোকৰ বহু অন্তৰংগ মুহূৰ্তৰ ফটোও ভাইৰেল হৈছিল ছচিয়েল মিডিয়াত। শুনিবলৈ পোৱা গৈছিল যে, শীঘ্ৰে দুয়ো বিবাহ পাশত আবদ্ধ হ’ব। কিন্তু তাৰ মাজতেই সম্পৰ্ক এতিয়া শেষ হৈ গ’ল। এই বিষয়ে অৱশ্যে শ্ৰফ পৰিয়ালৰ তৰফৰ পৰা কোনো মন্তব্য দিয়া নাই।
