কেটৰিনাৰ ভগ্নী ইছাবেলৰ বলীউদ যাত্ৰা! যুটী বান্ধিলে সম্ৰাটৰ সৈতে!

কেটৰিনা কাইফে নিজৰ অভিনয় আৰি সৌন্দৰ্যৰে মোহিত কৰিছে বলীউদক। এইবাৰ পৰ্দাত নতুন মাদকতা তুলিব কেটৰিনাৰ ভগ্নী ইছাবেল কাইফে। বলীউদত প্ৰথমখন ছবিৰ শ্বুটিং আৰম্ভ কৰিলে ইছাবেলে।

ইয়াৰ পূৰ্বে বহুবাৰ ইছাবেলক লৈ চৰ্চা হৈছে। ইছাবেলৰ ভিডিঅ’ ভাইৰেল হোৱাৰ পৰা আৰম্ভ কৰি ছলমানৰ সৈতে থকা ভিডিঅ’ ভাইৰেল হৈছে ছচিয়েল মিডিয়াত। ছলমানে সকলো সময়তে প্ৰশংসা কৰে ইছাবেলক।

কেটৰিনাৰ সৈতে বিভিন্ন পাৰ্টীত ইছাবেলক দেখা গৈছে। এইবাৰ পৰ্দাত চমক দিব ইছাবেলে।

ইছাবেলে কাম আৰম্ভ কৰিছে তেওঁৰ প্ৰথম ছলবি ‘সুস্বাগতম খুশামদীন’ৰ। এই ছবিখনত ইছাবেলৰ সৈতে নায়কৰ ভূমিকাত অৱতীৰ্ণ হৈছে পুলকিত সম্ৰাটক। ইতিমধ্যে এটা নাচৰ ছিকুৱেঞ্চ শ্বুট হৈ গৈছে।

ইছাবেল সন্দৰ্ভত পুলকিতে কয়, তেওঁলোকৰ দুয়োৰে যুটী হিট হ’ব। ইছাবেলৰ ইমান বেছি পজিটিভ এনাৰ্জী আছে তেওঁ অকলেই টানি নিব পাৰে ছবি। ইছাবেলে শ্বুটিঙলৈ আহিলেই সলনি হৈ যায় পৰিৱেশ। এতিয়া অপেক্ষা মাথোঁ কেতিয়া ছবিখন মুক্তি পাব। তেতিয়া বুজা যাব কেটৰিনাৰ দৰে কিমান আপ্লুত কৰিব পাৰে দৰ্শকক।