পেঞ্চনভোগীসকলেও কৰিব লাগিব নেকি PAN-AADHAAR লিংক? সময় থাকোতেই জানি লওক

চেন্ট্ৰেল ব’ৰ্ড অব ডায়ৰেক্ট টেক্সেছৰ নিৰ্দেশনা অনুসৰি, প্ৰত্যেক ভাৰতীয় নাগৰিক, যিসকললৈ পান কাৰ্ড ইছ্যু কৰা হৈছে ২০১৭ চনৰ ১ জুলাই বা তাৰ পূৰ্বৰ কোনো তাৰিখত, তেওঁলোক সকলোৱে চলিত বৰ্ষৰ ৩১ মাৰ্চৰ ভিতৰত পান কাৰ্ড আৰু আধাৰ কাৰ্ড লিংক কৰিব লাগিব।

যিসকল এই নিয়মৰ আওতাত পৰে, তেওঁলোকে পান–আধাৰ লসিংক কৰি ৰাখিবই লাগিব। অন্যথা নানা ধৰণৰ বিত্তীয় সমস্যাৰ সন্মুখীন হ’ব লাগিব। কিয়নো এই সময়সীমা পাৰ হৈ যোৱাৰ পিছত পান কাৰ্ড নিষ্ক্ৰিয় কৰি দিয়া হ’ব বুলি জনোৱা হৈছে চৰকাৰৰ ফালৰ পৰা। এই সময়সীমা বৃদ্ধিৰ কোনো ইংগিত কেন্দ্ৰৰ ফালৰ পৰা এতিয়ালৈ পোৱা নাই।

কিন্তু যিসকল পেঞ্চনভোগী, তেওঁলোক কিমান অসুবিধাৰ সন্মুখীন হ’ব লাগিব?

– নিয়ম অনুসৰি, পেঞ্চনক লৈও সমস্যাই দেখা দিব। যিসকল বয়োজ্যেষ্ঠ নাগৰিক, তেওঁলোকে যদি নিজে যদি পান–আধাৰ লিংক কৰিব নোৱাৰে, তেন্তে আনসকলৰ দৰেই পান কাৰ্ড নিষ্ক্ৰিয় কৰি দিয়া হ’ব। ফলত পেঞ্চনৰ টকা অহাক লৈ সমস্যা হ’ব পাৰে। যিসকলে শেহতীয়াকৈ অৱসৰ গ্ৰহণ কৰিছে, তেওঁলোকৰো যদি পান আৰু আধাৰ লিংক নাথাকে তেন্তে পেঞ্চন পোৱা পদ্ধতি সুদূৰ বিলম্বিত হৈ উঠিব পাৰে। ফেমিলি পেঞ্চনৰ ক্ষেত্ৰতো সমস্যাৰ সন্মুখীন হ’ব পাৰে পান আধাৰ লিংক কৰা নাথাকিলে।

পেন আধাৰ লিংক কৰা নাথাকিলে ১৫ এইচ ফৰ্ম জমা দিয়া নহ’ব, ইয়াৰ ফলত টিডিএছৰ হাতৰ পৰা ৰেহাই নাপাব পেঞ্চনভোগীসকল। বয়োজ্যেষ্ঠসকলে সেয়ে সহজতে ঘৰত বহি এছএমএছৰ জৰিয়তেই কৰি পেলাব পাৰে পান আধাৰ লিংক কৰাৰ প্ৰক্ৰিয়া।

কেনেকৈ কৰিব এই কাম ১. আধাৰৰ সৈতে ৰেজিষ্টাৰ্ড ম’বাইল নম্বৰৰ পৰা মেছেজ প্ৰেৰণ কৰিব লাগিব। ২. প্ৰথমে লিখিব লাগিব UIDPAN, তাৰ পিছত স্পেচ দি লিখিব লাগিব ১২ সংখ্যাৰ আধাৰ নম্বৰ। তাৰ পিছত পুনৰ এটা স্পেচ দি লিখিব লাগিব ১০ সংখ্যা–আখৰৰ পান নম্বৰ। ৩. এছএমএছ প্ৰেৰণ কৰিব লাগিব 567678 বা 56161 নম্বৰত। ৪. মেছেজ ঠিক মতে প্ৰেৰণ কৰা হ’লে আধাৰ আৰু পান সংযুক্ত সংক্ৰান্তীয় এটা কনফাৰ্মেচন মেছেজ পোৱা যাব।