ফৰ্ম নাই ৰাছেলৰ, পত্নীক আক্ৰমণৰ লক্ষ্য একাংশৰ, কৰিলে আপত্তিজনক মন্তব্য

জেছমি লাৰা! কলকাতা নাইট ৰাইডৰ্ছৰ তাৰকা বেটচমেন আন্দ্ৰে ৰাছেলৰ ফৰ্ম নাই। ফলত এতিয়া ব্যক্তিগত আক্ৰমণৰ সন্মুখীন ৰাছেলৰ পত্নী। কেতিয়াবা অনুষ্কা শৰ্মা, কেতিয়াবা জিভা ধোনীক উদ্দেশ্য কৰিও একাংশই কৰিছে আপত্তিজনক মন্তব্য। এইবাৰ আক্ৰমণ কৰা হ’ল জেছমি লাৰাক। ৰাছেলৰ ফৰ্মহীনতাৰ বাবে আক্ৰমণ কৰা হ’ল লাৰাক।

চলিত আই পি এলত ভাল প্ৰদৰ্শন কৰিব পৰা নাই ৰাছেলে। কিংছ ইলেভেন পাঞ্জাৱৰ বিৰুদ্ধে ৩ টা বলত ৫ ৰান কৰি আউট হ’ল ৰাছাল। সেইদৰে বাকী খেল কেইখনতো ৰাছেলৰ ৰান হ’ল ১১,২৪,১৩,২।

ফ্যেন নামৰ এজনে ৰাছেলৰ পত্নীক উদ্দেশ্যি মন্তব্য কৰিছে যে, “Jassym aunty please go to Dubai Russell is not in good form”- অৰ্থাত্‍, ‘জেছমি আণ্টি, প্লীজ ডুবাই যোৱা, ৰাছেলে একেবাৰে ভাল খেলিব পৰা নাই।’

প্ৰতিবাৰেই আই পি এলৰ সময়ত বহু ক্ৰিকেটাৰৰ পত্নী বা প্ৰেয়সীক আক্ৰমণৰ লক্ষ্য কৰি লয় বহুতে। কিন্তু এইবাৰ অত্যাধিক ৰূপত ক্ৰিকেটাৰ সকলৰ পত্নীক আক্ৰমণ কৰা দেখা গৈছে। বিভিন্নধৰণে ব্যক্তিগত আক্ৰমণ কৰাও পৰিলক্ষিত হৈছে।

আন্দ্ৰে ৰাছেলৰ পত্নীৰ নাম হ’ল জেছমি লাৰা। হয়টো বহুতে চিনিও নাপাই জেমছিক। ইয়াৰ আগতে প্ৰতিটো আই পি এলৰ ছিজনতে ৰাছেলৰ সৈতে দেখা যায় জেছমিক। আনকি ৰাছেলে ভাল প্ৰদৰ্শন কৰিলে পত্নীক সাৱটি ধৰি চুম্বন কৰাও দেখা যায় ৰাছেলে। 

কিন্তু এইবাৰ আই পি এলত ৰাছেলৰ কাষত নাই পত্নী জেছমি। ফলত ৰাছেলে আশানুৰূপ প্ৰদৰ্শন কৰিব নোৱাৰাত এতিয়া বিভিন্ন জনে তৰল মন্তব্যৰে উপলুঙা কৰিছে ৰাছেলৰ পত্নীক।

ইফালে মেছত ব্যৰ্থ হোৱাৰ মাজতে এতিয়া আঘাতপ্ৰাপ্ত হ’ল ৰাছেল।