ধনী হোৱাৰ সপোন সকলোৱে দেখে কিন্তু তাক পূৰ্ণ কৰাৰ সাহস বহু কম মানুহৰ থাকে। অৱশ্যে যদি চাকৰি জীৱনৰ আৰম্ভনিতে ভাল পৰিকল্পনাৰে আগ বাঢ়ে তেনেহ’লে আপোনাক কোটিপতি হোৱাৰ পৰা কোনেও ৰখাব নোৱাৰে। আমি যি বাখ্যা কৰিবলৈ গৈছো সেয়া আপুনিও কৰিব পাৰে।
২৫বছৰ বয়সত কৰিব লাগিব এই কামঃ যদি আপোনাৰ বয়স ২৫বছৰ আৰু আপোনাৰ অৱসৰলৈ ২কোটি টকাৰ আশে পাশে জমা কৰিব বিচাৰে তেনেহ’লে ৫হাজাৰ টকা প্ৰতিমাহে বিনিয়োগ কৰিব লাগিব। ইয়াৰ বিনিয়োগত মাত্ৰ ১০শতাংশ হাৰত ৰিটাৰ্ণ পালেও আপুনি অৱসৰলৈকে কোটিপতি হ’বগৈ।
আপুনি কি কৰিব লাগিবঃ ইয়াৰ কাৰণে চিষ্টেমেটিক ইনভেষ্টমেণ্ট প্লেন (SIP)ৰ জৰিয়তে বিনিয়োগ কৰিব লাগিব। ইয়াৰ জৰিয়তে আপোনাৰ বিনিয়োগৰ ক্ষেত্ৰত শংকাও কম হ’ব আৰু ভাল ৰিটাৰ্ণ লাভ কৰিব। কিয়নো এছআইপিৰ জৰিয়তে টকা মিউচুৱেল ফাণ্ডত বিনিয়োগ কৰা হয়। বিশেষজ্ঞৰ মতে এনেকুৱাত কমেও ১০শতাংশ ৰিটাৰ্ণ পোৱা যায়েই।
বয়স ২৫বছৰ–মাহেকত বিনিয়োগঃ ৫০০০হাজাৰ টকা, সুতৰ হাৰঃ ১০শতাংশ, অৱসৰৰ বয়সঃ ৬০বছৰ, বিনিয়োগৰ টকাৰ পৰিমাণঃ২১লাখ, সুতৰ পৰা উপাৰ্জনঃ১.৭০কোটি টকা (প্ৰায়), মুঠ পাবলগীয়া টকাৰ পৰিমাণঃ ১.৯১কোটি টকা (প্ৰায়)
৩০বছৰ বয়সত কৰিব লাগিব এই কামঃ যদি আপোনাৰ বয়স ৩০বছৰ আৰু অৱসৰৰ বয়সলৈকে আপুনি ১.৫কোটি টকাৰ আশে–পাশে বিচাৰে তেনেহ’লে আপুনি ৮হাজাৰ টকা মাহেকত বিনিয়োগ কৰিব লাগিব। আপোনাৰ বিনিয়োগত মাত্ৰ ১০শতাংশ হাৰত ৰিটাৰ্ণ লাভ কৰিলেও অৱসৰলৈকে আপুনি সহজেই ২কোটি টকা পৰ্যন্ত লাভ কৰিব।
বয়স ৩০বছৰ–মাহেকত বিনিয়োগঃ ৮০০০টকা–সুতৰ হাৰঃ১০শতাংশ–অৱসৰৰ বয়সঃ৬০ বছৰ–বিনিয়োগৰ পৰিমাণঃ২৮.৮০লাখ টকা–সুতৰ পৰা উপাৰ্জনঃ১.৫৩কোটি টকা(প্ৰায়)–মুঠ পাবলগীয়া ধনঃ১.৮২কোটি টকা(প্ৰায়)
এনেকৈ বুজক হিচাপঃ SIPৰ জৰিয়তে সোনকালে বিনিয়োগ আৰম্ভ কৰিলে অধিক ৰিটাৰ্ণ লাভ কৰিব, কাৰণ ইয়াত চক্ৰবৃদ্ধি সুত পোৱা যায়। উদাহৰণস্বৰূপে যদি ৰামে ৩০বছৰ বয়সত ১,০০০টকা জমা কৰে আৰু তেওঁ ৮শতাংশ হাৰত ৰিটাৰ্ণ লাভ কৰে তেনেহ’লে ৬০বছৰ সম্পূৰ্ণ কৰোতে তেওঁ ১২.২৩লাখ টকা পাব। সেইদৰে ৰামে ৩৫বছৰ বয়সত ১০০০টকাকৈ জমা কৰে আৰু ৮শতাংশ হাৰত সুত লাভ কৰে তেনেহ’লে ৬০বছৰ বয়সত মাত্ৰ ৭.৮৯লাখ টকা লাভ কৰিব। ইয়াৰ পৰা ধৰিব পাৰি যে আৰম্ভনিতে ৫০হাজাৰ টকাৰ পাৰ্থক্যই শেষত ৪লাখৰো অধিক টকাৰ পাৰ্থক্য আনি দিয়ে।
