মাত্ৰ ৭ টকা জমা কৰিয়েই প্ৰতিমাহে আপুনি ৫ হাজাৰ টকা লাভ কৰাৰ সুবিধা ল'ব পাৰে এই আঁচনিৰ জৰিয়তে...

আজিৰ সময়ত সকলোৱে এক সুৰক্ষিত বিনিয়োগ (Investment planning) কৰিব বিচাৰে। আমাৰ বেছিভাগেই এতিয়াৰ পৰা বৃদ্ধ বয়সৰ বাবে বিনিয়োগ কৰা আৰম্ভ কৰে, যাতে পিছত কোনেও ইয়াৰ ওপৰত নিৰ্ভৰ কৰিব নালাগে।

২০১৫ চনত আৰম্ভ কৰা অটল পেঞ্চন যোজনা (Atal Pension Yojana- APY)। ইয়াত বিনিয়োগ কৰি আপুনি মাহিলী উপাৰ্জনৰ ব্যৱস্থা কৰিব পাৰে। যদিও অসংগঠিত খণ্ডত কাম কৰা লোকসকলৰ বাবে অটল পেঞ্চন যোজনা কৰা হৈছিল, ১৮ ৰ পৰা ৪০ বছৰ বয়সৰ যিকোনো ভাৰতীয় নাগৰিকে আঁচনিখনত বিনিয়োগ কৰি পেঞ্চন লাভ কৰিব পাৰে। তেওঁলোকৰ কেৱল বেঙ্ক বা ডাকঘৰত একাউণ্ট থাকিব লাগে।

অটল আঁচনিত জমাকৰ্তাসকলে পেঞ্চন আঁচনিত ৬০ বছৰৰ পিছত পেঞ্চন প্ৰাপ্ত কৰা আৰম্ভ কৰে। এপিৱাইৰ পৰিমাণ আপুনি কৰা বিনিয়োগ আৰু আপোনাৰ বয়সৰ ওপৰত নিৰ্ভৰ কৰে। আঁচনিখনে কমেও ১হাজাৰ পৰা ৫হাজাৰ টকালৈ মাহিলী পেঞ্চন প্ৰদান কৰিব পাৰে।

যদি এজন ব্যক্তিয়ে ১৮ বছৰ বয়সত অটল পেঞ্চন যোজনাত যোগদান কৰে, তেন্তে তেওঁ ৬০ বছৰ বয়সৰ পিছত প্ৰতি মাহে ৫ হাজাৰ টকাৰ মাহিলী পেঞ্চনৰ বাবে প্ৰতি মাহে ২১০ টকা জমা দিব লাগিব। অৰ্থাৎ এই আঁচনিখনত প্ৰতিদিনে ৭ টকা জমা দি আপুনি প্ৰতি মাহে ৫০০০ টকাৰ পেঞ্চন লাভ কৰিব পাৰে।

যদি এই আঁচনিৰ গ্ৰাহকৰ মৃত্যু হয়, তেওঁৰ পত্নী ডিফল্টভাৱে মনোনীত হয় আৰু পত্নীয়ে আঁচনিখনৰ সকলো লাভালাভ লাভ কৰে। পত্নীয়েও গ্ৰাহকৰ দৰে একে পেঞ্চন লাভ কৰে। পত্নী এগৰাকী জীয়াই নাথাকিলে, গ্ৰাহকে নিযুক্ত কৰা মনোনীত ব্যক্তিয়ে ইয়াৰ বাবে নিৰ্ধাৰিত সুবিধা লাভ কৰে।