Indian Marriage: শকত, ক্ষীণ নে 'চিক্স পেক এবচ্'? ভাৰতীয় যুৱতীয়ে স্বামী হিচাপে কেনেকুৱা যুৱক বিচাৰে? এক চাঞ্চল্যকৰ প্ৰতিবেদন প্ৰকাশ

জীৱনৰ এটা গুৰুত্বপূৰ্ণ বিষয় হ'ল বিবাহ! যুৱক-যুৱতী নিৰ্বিশেষে  বিবাহ লৈ বহু কামনা আৰু সপোন থাকে! কেনেকুৱা হ'ব জীৱনসংগী? ছোৱালীৰ মাজতো কম ফেণ্টাচি নাই! প্ৰশ্নটো হ’ল, ক্ষীণ, শকত নে চিক্স পেক এবযুক্ত? ভাৰতীয় মহিলাসকলে স্বামী হিচাপে কেনেকুৱা ল’ৰাক ভাল পায়? শেহতীয়াকৈ কৰা এক অধ্যয়নত চাঞ্চল্যকৰ তথ্য প্ৰকাশ পাইছে--

মিছৌৰী বিশ্ববিদ্যালয়ৰ এক অধ্যয়ন অনুসৰি মহিলাসকলে শৰীৰত অলপ  চৰ্বি থকা পুৰুষক সম্পৰ্কত অধিক বিশ্বাসযোগ্য বুলি বিবেচনা কৰে। অলপ শকত আৰু স্বাভাৱিক চেহেৰাত তেওঁলোকে নিৰাপত্তা বিচাৰি পায়।

গৱেষকৰ মতে বহু ছোৱালীয়ে অধিক ফিট শৰীৰৰ পুৰুষ সংগীৰ বিষয়ে নিৰাপত্তাহীনতাত ভুগিব পাৰে। গতিকে তেওঁলোকে অলপ গোল চেহেৰাৰ লোক ভাল পায়।

সমীক্ষাত অংশগ্ৰহণ কৰা মহিলাসকলে দাবী কৰে যে যদি পুৰুষৰ ফিগাৰ জিমত বনোৱা থাকে, তেন্তে তেওঁলোকৰ খাদ্যৰ ক্ষেত্ৰত হাজাৰটা সমস্যা থাকে। ডায়েটিং আৰু স্বাস্থ্যসন্মত খাদ্য খোৱাৰ চক্কৰত খাদ্য় খোৱাৰ আধা আনন্দই পানী হৈ যায়। নৱবিবাহিত ছোৱালীয়ে আৰু সুখেৰে দৰাৰ বাবে জোল-ঝাল-আম্বল ৰান্ধিব নোৱাৰে! গতিকে, অলপ শকত পুৰুষ ভাল।

বিজ্ঞানীসকলে কয় যে সামান্য মেদবহুল পুৰুষসকলে কামৰ প্ৰতি অধিক মনোযোগ দিয়ে, পৰিয়ালকো অধিক সময় দিয়ে। তেনে ক্ষেত্ৰত মহিলাসকলে এনে পুৰুষৰ লগত অধিক সামাজিকভাৱে সুৰক্ষিত অনুভৱ কৰে।

নিজৰ ফিগাৰৰ প্ৰতি সচেতন মহিলাসকলে অলপ শকত পুৰুষক বেছি পছন্দ কৰে। ইয়াৰ এটা ডাঙৰ কাৰণ হ’ল মহিলাসকলক শকত পুৰুষৰ কাষত ক্ষীণ দেখা যায়।