Virat Kohli's Nagin Dance : সৌৰভ গাংগুলীয়ে য'ত জাৰ্ছী খুলি বিজয়োল্লাস কৰিছিল তাতে নাগিন ডান্স কৰিলে বিৰাট কোহলিয়ে, মুহূর্ততে Viral

লৰ্ডছৰ এই ঐতিহাসিক বেলকনিখনৰ এখন ছবি আজিও প্ৰত্যেকজন ভাৰতীয়ৰ মনত সজীৱ হৈ আছে। ভাৰতীয় ক্ৰিকেট দলৰ প্ৰাক্তন অধিনায়ক সৌৰভ গাংগুলী (Sourav Ganguly, Former Indian Captain)য়ে ইংলেণ্ডৰ মাটিত ভাৰতীয় দলৰ বিজয়ত উল্লাসিত হৈ এনেদৰে বিজয়োল্লাস প্ৰকাশ কৰিছিল। সম্পূৰ্ণ ক্ৰিকেট জগতে সেই বেলকনিত সাংঘাটিক খ্যাতিৰ সাক্ষী হৈ ৰ'ল।

২০০২ চনত সৌৰভ গাংগুলী (Sourav Ganguly)ৰ নেতৃত্বত নেটৱেষ্ট ট্ৰফী (Natwest Trophy) ভাৰতীয় দলে জিকিছিল। ইংলেণ্ডৰ মাটিত জয়ী হোৱা এই খেলখনে সমগ্ৰ দেশৰ জনতাক বিশেষ আনন্দ দিছিল। সেই সময়ত আধিনায়ক সৌৰভ গাংগুলীয়ে নিজৰ জাৰ্ছী খুলি সেই জয়ক নিজস্বভাবে উপভোগ কৰিছিল।

সৌৰভ গাংগুলীৰ অত বছৰৰ পাছত লৰ্ডছৰ বেলকনিত পুনৰ এজন ভাৰতীয় কেপ্তেইনৰ একেই কীৰ্তি দেখিবলৈ পোৱা গ'ল। লৰ্ডছৰ বেলকনিত বিৰাট কোহলিৰ নাগিন ডান্স (Virat Kohli's nagin Dance)ৰ ছবিয়ে ছচিয়েল মিডিয়াত খলকনি তুলিছে।

ফটোত মায়ংক আগৰৱাল, কে এল ৰাহুল আৰু মহম্মদ ছিৰাজক কোহলীৰ নাগিন নাচৰ আনন্দ লৈ থকা দেখা গৈছে। এই দৃশ্যই ছচিয়েল মিডিয়াত তোলপাৰ লগাইছে।

ইংলেণ্ডৰ বিৰুদ্ধে দ্বিতীয় টেষ্টৰ প্ৰথম ইনিংছত বিৰাট কোহলীয়ে ১২ ৰাণ কৰে। কে এল ৰাহুলৰ সৈতে কোহলীয়ে তৃতীয় উইকেটত ১১৬ ৰাণ সংগ্ৰহ কৰে।