Dates: বয়স ৩০ৰ ওপৰত নেকি? খেজুৰ খাওক, কাৰণ জানিবলৈ পঢ়ক এই খবৰ

খেজুৰ খাবলৈ বহুতেই ভাল পায়। বহুতে মিঠাইৰ সলনি খেজুৰ খাই তৃপ্তি পায়। সোৱাদত মিঠা খেজুৰৰ গুণ বহুত। খেজুৰ খালে শৰীৰৰ ৰোগ প্ৰতিৰোধ ক্ষমতা বৃদ্ধি পায়।

এনিমিয়াত যিসকলে ভুগিছে তেওঁলোকৰ বাবে খেজুৰ খুব উপকাৰী। খেজুৰত আছে ২০ৰ পৰা ২৫ মিলিগ্ৰাম মেগনেচিয়াম। ই উচ্চ ৰক্তচাপ কমোৱাত সহায় কৰে। শৰীৰত আইৰণৰ অভাৱ দূৰ কৰে খেজুৰে। কোষ্ঠকাঠিন্যৰ সমস্যাও দূৰ কৰে।

খেজুৰত থকা এণ্টিঅক্সিডেণ্টে আচলতে শৰীৰৰ ৰোগ প্ৰতিৰোধ ক্ষমতা বৃদ্ধি কৰে। ফলত কোৰোণাৰ সময়ত এই ধৰণৰ ফল খুবেই প্ৰয়োজনীয়। নিয়মিত খেজুৰ খালে বহু ৰোগৰ পৰা বাচিব পাৰি।

১. খেজুৰত থাকে প্ৰচূৰ পৰিমাণৰ ফাইবাৰ। ফলত প্ৰতিদিনে খেজুৰ খালে পেট পৰিষ্কাৰ থাকে, পেটৰ ৰোগ কম দেখা যায়। প্ৰতিদিনে তিনিটাকৈ খেজুৰ খালে শৰীৰৰ উপকাৰী বেক্টেৰিয়াৰ মাত্ৰা বৃদ্ধি পায়। ফলত বদহজম বা কোলাইটিছ, হেমোৰয়েডৰ দৰে ৰোগত আক্ৰান্ত হোৱাৰ আশংকা কম থাকে।

২. খেজুৰত আইৰনৰ পৰিমাণ বেথি থাকে। সেয়ে নিয়মিত খালে শৰীৰত আইৰণৰ অভাৱ দূৰ হয়। বিশেষকৈ মহিলাসকলে খেজুৰ খোৱাৰ প্ৰয়োনীয়তা বেছি। ইয়াৰ ফলত ৰক্তহীনতাৰ পৰা মুক্তি পোৱা যায়।

৩. খেজুৰে হাড় শক্তিশালী কৰাত সহায় কৰে। ইয়াত থকা ভিটামিন আৰু খনিজে বয়সস্থ কালত অষ্টিওপৰোছিছৰ পৰা শৰীৰক ৰক্ষা কৰে।

৪. হাৰ্টৰ বাবে খেজুৰ খুব ভাল। নিয়মিত খেজুৰ খালে কলেষ্টেৰলৰ মাত্ৰা কমে ফলত হঠাৎ হাৰ্ট এটাক আৰু ষ্ট্ৰোকৰ আশংকা কম হয়।

৫. খেজুৰৰ প্ৰাকৃতিক ছুগাৰে তেজত মিহলি হৈ শৰীৰত শক্তি যোগায়। শৰীৰ ভালে থাকে, ক্লান্তি দূৰ হয়। শক্তি পোৱা যায়।

৬. খেজুৰৰ পুষ্টি উপাদান বহুত। কেলৰি কম আৰু প্ৰটিনৰ মাত্ৰা বেছি। ফলত শৰীৰত শক্তি যোগায়, বৰ্ধিত মেদ হ’বলৈ নিদিয়ে।

খেজুৰ অত্যন্ত সোৱাদযুক্ত আৰু ৰুচিশীল এটা ফল যিটো ফ্ৰুকটোজ আৰু গ্লাইছেমিক সমৃদ্ধ। খেজৰুত আছে শৰীৰৰ ৰোগ প্ৰতিৰোধ ক্ষমতা। খেজুৰে তেজত শৰ্কৰাৰ পৰিমাণ বৃদ্ধি কৰে। খেজুৰ চেনিৰ বিকল্প হ’ব পাৰে। ইয়াত আছে উপকাৰী তেল, কেলচিয়াম, ছালফাৰ, আইৰন, পটাছিয়াম, ফছফৰাছ, কপাৰ আৰু নানা খনিজ। আছে উপকাৰী ভিটামিন।