EPFO : PF একাউণ্টতত জমা হোৱা নাই টকা? জানি লওক কি কৰিব লাগিব আপুনি

EPFO–এ চাকৰিজীৱীসকলৰ একাধিক সুবিধা প্ৰদান কৰে। বৰ্তমান ইপিএফঅ’ত ২৪.৭৭ কোটি একাউণ্ট আছে। ইপিএফঅ’ৰ নিয়ম অনুসৰি, প্ৰতিষ্ঠান আৰু কৰ্মচাৰীসকলৰ ফালৰ পৰা পিএফ একাউণ্টত প্ৰতিমাহে বেছিক ছেলাৰী আৰু ডিএৰ ১২ শতাংশ টকা জমা হয়। বেতন পোৱাৰ ১৫ দিনৰ ভিতৰত এই টকা একাউণ্টত জমা হয়।

যেতিয়া প্ৰতিষ্ঠানে কৰ্মচাৰীৰ পিএফৰ টকা জমা কৰি থাকে তেতিয়া EPFOৰ ফালৰ পৰা কৰ্মচাৰীসকললৈ এটা মেছেজ পঠিওৱা হয়। ইয়াৰ উপৰি EPFOৰ ৱেবছাইটত গৈও চেক কৰিব পাৰে।

চিন্তাৰ কাৰণ নাই – আপোনাৰ প্ৰতিষ্ঠানে পিএফৰ টকা কাটি নিলে আৰু ইপিএফঅ’ৰ ফালৰ পৰা কোনো আপডেট নাহিলে চিন্তা বা ভয়ৰ কাৰণ নাই। বিভিন্ন উপায় আছে যাৰ জৰিয়তে পিএফ একাউণ্টত টকা জমা কৰিব পাৰি।

টকা জমা নহ’লে ক’ত অভিযোগ কৰিব? – অভিযোগ কৰাৰ বাবে প্ৰথমে EPFOৰ ৱেবছাইটলৈ যাব লাগিব। ইয়াৰ পিছত আপুনি Register Grievanceত ক্লিক কৰিব লাগিব। ইয়াৰ পিছত পিএফ নম্বৰ আৰু UAN আৰু ছিকিউৰিটী কোড এণ্টাৰ কৰিব লাগিব। ইয়াৰ পিছত Get Details অফচনত ক্লিক কৰিব লাগিব। এতিয়া Get OTPত ক্লিক কৰক। এইবাৰ পাৰ্ছনেল ডিটেইলছ দি অভিযোগ কৰিব পাৰিব।

আইনী তদন্ত – কৰ্মচাৰীসকলে অভিযোগ জনোৱাৰ পিছত ইপিএফঅ’ প্ৰতিষ্ঠানে সোধাপোছা কৰিব। যদি দেখা যায় যে কৰ্মচাৰীৰ টকা কটা হৈছে আৰু ইপিএফঅ’ত জমা হোৱা নাই তেন্তে প্ৰতিষ্ঠানৰ বিৰুদ্ধে আইনী পদক্ষেপ লোৱা হ’ব পাৰে।