Ideal Wedding Age For Men: কিমান বয়সত বিয়া পাতিলে পুৰুষৰ আয়ুস বাঢ়ে? সমীক্ষাত চাঞ্চল্যকৰ তথ্য

বিয়া পতাৰ সঠিক বয়স কি? এই প্ৰশ্ন আমাৰ সকলোৰে মাজত পাকঘূৰণি খায়। বহুতেই ভাৱে, পুত্ৰৰ অলপ পলমকৈ বিয়া পাতিলে ভাল। চাকৰি–বাকৰি কৰি কিছু উপাৰ্জনক্ষম হ’ব পাৰিব।

ভৱা হয় যে পুৰুষৰ বয়স বেছি হ’লেও সমস্যা নাই। বৰং নিজতকৈ বয়সত কম বয়সৰ ছোৱালী বিয়া পাতিলে বেছি সুখী হ’ব। এনে নানা ধাৰণা সমাজত প্ৰচলিত। অৱশ্যে বিজ্ঞানসন্মত দিশক লৈও আছে নানা ভিন্নমত।

ল’ৰাই হওক বা ছোৱালীয়ে হওক উভয়ৰে ক্ষেত্ৰত এই বয়স পৃথক পৃথক হয়। কোনোৱে চাকৰি লাভ কৰি প্ৰতিষ্ঠিত হোৱাৰ পিছত বিয়াৰ সিদ্ধান্ত ল’ব বিচাৰে। কোনোৱে আকৌ বিয়াৰ বয়স মানেই ৩০ৰ তলত ৰাখিবলৈ মন কৰে।

কিন্তু বিয়াৰ সঠিক বয়স কি হোৱা উচিত? সঠিক বয়সত বিয়াক লৈ কি কি পৰিস্থিতিৰ মুখামুখি হ’বলগীয়া হয় প্ৰতিজন পুৰুষ–নাৰীক। এই সকলো বিষয় বিশ্লেষণ কৰিবলৈ আমেৰিকাৰ হাৰ্ভাৰ্ড বিশ্ববিদ্যালয়ে এক সমীক্ষা চলায়।

বিবাহ জীৱনৰ এক গুৰুত্বপূৰ্ণ সিদ্ধান্ত। কাৰণ এইক্ষেত্ৰত এজন মানুহৰ সৈতে গোটেই জীৱন থকাৰ সিদ্ধান্ত লওঁ আমি। এইক্ষেত্ৰত সেই মানুহজন আমাৰ বাবে সঠিক হয়নে নহয়, সেয়া বুজি সিদ্ধান্ত লওঁতো সময় লাগে। এটা বয়সৰ পিছত অভিভাৱকসকলে বিয়াৰ বাবে চাপ দিবলৈ আৰম্ভ কৰে। ল’ৰাৰ দৰে ছোৱালীয়েও এই সমস্যাৰ মুখামুখি হ’বলগীয়া হয়।

হাৰ্ভাৰ্ড বিশ্ববিদ্যালয়ে বিয়াক লৈ কৰা সমীক্ষাৰ মূল বিষয় আছিল সম্পৰ্কৰ ধৰণ। কিমান সুখী হ’ব দাম্পত্য জীৱন। কিন্তু দাম্পত্য সুখৰ আঁৰতে আছে আৰু এটি বিষয়। সেয়া হ’ল জীৱন আৰু জীৱনধাৰা। বিজ্ঞানে কৈছে, যিয়ে নিজৰ যাপনৰ ধৰণক লৈ যিমান সন্তুষ্ট হ’ব, সিমানেই আয়ুস বাঢ়িব। নতুন সমীক্ষাত ওলাল এই বিষয়টো।

সমীক্ষা চলাবলৈ গৈ দেখা গ’ল, ছোৱালীৰ দৰে ল’ৰাসকলেও কম বয়সতে বিয়া বাতিলে সুখত থকাৰ আশা বেছি। তাৰ কাৰণো জনাইছে গৱেষকসকলে। তেওঁলোকৰ বক্তব্য, বয়স যিমানে কম হ’ব, মনৰ মতে সংগী পোৱাৰ সম্ভাৱনা সিমান বাঢ়িব। পুৰুষৰ ক্ষেত্ৰত ২৫ৰ ভিতৰত বিয়া হ’লে আটাইতকৈ বেছি মনে বিচৰা সংগী পোৱাৰ সুযোগ থাকে।

আৰু মনৰ পছন্দৰ সংগী পালে মানসিক চাপ কম হ’ব। জীৱন আৰু ছন্দময় হ’ব। নিশ্চিত আৰু সুখময় জীৱন হ’লে বিয়া বেছিদিন টিকিব। আৰু সংসাৰ সুখৰ হ’লে আয়ুসো বেছি হোৱাৰ সম্াৱনা থাকে। সেয়ে পুৰুষৰ ক্ষেত্ৰত ওপৰোক্ত বয়সত বিয়াৰ পৰামৰ্শ দিছে এই সমীক্ষাত প্ৰাপ্ত তথ্যই।