ঘৰত ৰখা চাউলত পোকে ধৰিলে কিদৰে দূৰ কৰিব? জানি লওক এইবোৰ কৌশল

বহুতেই গোটেই মাহটোৰ বাবে একেবাৰতে বজাৰ কৰি ৰাখে। ঘৰত যাতে চাউলৰ অভাৱ নহয়, তাৰ বাবে বেছি পৰিমাণে চাউলো আনি ৰাখে। কিন্তু সমস্যা তাতেই হয়। চাউলত পোকে ধৰিলে এটা এটা আঁতৰ কৰাটো বিৰক্তিকৰ কাম। ইয়াৰ পৰা পৰিত্ৰাণৰ উপায় কি? কিদৰে ৰক্ষা পাব এই সমস্যাৰ পৰা?

চাউলৰ পৰিমাণ বেছি হ’লে, সেয়া ডাঠ প্লাষ্টিকৰ বেগত ভৰাই ৰাখক।

ব্যৱহাৰ কৰক এয়াৰটাইট বক্স। ইয়াৰ ফলত বতাহ সোমাব নোৱাৰিলে চাউলত পোকে নধৰে।

চাউলত পোকে ধৰিলে নিমপাত দিয়ক। নিমপাতৰ পৰিৱৰ্তে তেজপাতো ব্যৱহাৰ কৰিব পাৰে। দেখিব চাউলৰ পোক নোহোৱা হৈছে। আগতেই দি থ’লে পোকে নধৰে।

ঠাণ্ডা ঠাইত ৰাখক চাউলৰ পাত্ৰ। নতুনকৈ চাউল ভৰোৱাৰ পূৰ্বে পাত্ৰটো ধুই পৰিষ্কাৰ কৰি পুনৰ চাউল থওক। পাত্ৰটোৰ আশে–পাশে কীটনাশক ব্যৱহাৰ কৰিব পাৰে, কিন্তু সাৱধানে।