Garlic: সমস্যাৰ পৰা মুক্তি, মাত্র পাঁচ মিনিটতে এৰুৱাওক এক কেজি নহৰুৰ বাকলি

নহৰু। নহৰুৱে ৰন্ধনত এক বেলেগ সোৱাদ আনি দিয়ে। সেয়া মাংস বা মাছ হওক, নহৰু কিন্তু লাগিবই। নহৰুৱে সোৱাদ বৃদ্ধি কৰে আৰু স্বাস্থ্যৰ বাবেও ই ভাল। কিন্তু অসুবিধাটো হ'ল নহৰু বাকলি উলিওৱা। নহৰু এটা বাকলি উলিওৱাৰ সময়ত ভাব হয় ইয়াক নিদিলে নহয়নে? কিন্তু এটা সহজ পদ্ধতিৰে এই সমস্যা সমাধান কৰিব পাৰি। (photo source collected)

মাত্ৰ পাঁচ মিনিটত প্ৰায় এক কিলো নহৰুৰ বাকলি আঁতৰ কৰিব পাৰি। এয়া কেনেকৈ সম্ভৱ বুলি আচৰিত হৈছে! ইয়াৰ বাবে আছে এনে এটা টিপছ।

প্ৰথমে আপুনি এটা ডাঙৰ পাত্ৰত কুহুমীয়া পানী ল'ব লাগিব। পানী অত্যধিক গৰম হ'বলৈ নিদিব। এয়া গুৰুত্বপূৰ্ণ, সেয়ে পানী কুহুমীয়া অৱস্থাত ৰাখক।

এটা বাচনত গোটা নহৰুৰ পৰা নহৰুৰ ফোটাবোৰ পৃথক কৰি লওক।

ইয়াৰ পিছত সেই গৰম পানীত নহৰুৰ ফোটাবোৰ পেলাই দিয়ক। তিনিৰ পৰা চাৰি মিনিট ৰখাৰ পিছত নহৰুৰ ফোটাবোৰ আপোনাৰ হাতেৰে একেলগে লৰাই দিয়ক। দেখিব বাকলিটো মাত্ৰ মিনিটতে নহৰুৰ পৰা পৃথক হ'ব। এতিয়া আপুনি বিচৰা ধৰণে ইয়াৰ ব্যৱহাৰ কৰক।