Holi 2023 : হোলীৰ পিছত শৰীৰত লাগি থকা ৰং কেনেকৈ আঁতৰাব? জানি লওক সহজ উপায়

হোলীৰ আনন্দই সুকীয়া। চৌদিশে ৰঙৰ সমাহাৰ। পাৰহীন উছাহ। কিন্তু হোলীৰ পিছৰ সমস্যাটো হৈছে দেহত, চুলিত লাগি থকা ৰং আঁতৰ কৰাটো। কিদৰে আঁতৰ কৰিব এই ৰং। শৰীৰৰ বিভিন্ন অংশত লাগি থকা ৰংবোৰ কেনেকৈ দূৰ কৰিব।

চুলিত ৰং লগাৰ পৰা ৰক্ষা কৰাৰ উপায় – ৰঙৰ সৈতে খেলিবলৈ যোৱাৰ পূৰ্বে চুলিত কেষ্টৰ অইল বা অলিভ অইল লগাওক। তেলে চুলিৰ ওপৰত এক ৰক্ষাকাৰী স্তৰ তৈয়াৰ কৰিব। তেল থাকিলে চুলি ধোৱাৰ সময়ত সহজতে ৰং উঠি যাব। যদি আপোনাৰ অলিভ অইল বা কেষ্টৰ অইল নাথাকে তেন্তে বিকল্প হিচাপে নাৰিকল তেল বা বাদাম তেল ব্যৱহাৰ কৰিব পাৰে। আগদিনা নিশা তেল মাছাজ কৰিলে ভাল, কাৰণ এয়া আপোনাৰ মূৰৰ ছালক ৰক্ষা কৰাটো সহায় কৰে।

কণীৰ কুহুম বা দৈ – হোলী খেলাৰ পিছত অবিলম্বে চুলি চেম্পু কৰা এৰাই চলক। চেম্পুৰ অন্তত ৪৫ মিনিট পূৰ্বে চুলিত কণীৰ কুহুম বা দৈ লগাওক। ই ৰং আঁতৰ কৰাত সহায় কৰে আৰু ক্ষতিৰ পৰিমাণ কমাত সহায় কৰে।

সৰিয়হৰ তেল : ৰং ব্যৱহাৰ কৰাৰ পূৰ্বে আপোনাৰ চুলি সৰিয়হৰ তেলেৰে ভালদৰে মাছাজ কৰক। হোলী খেলাৰ পিছত এবাৰ চুলিত চেম্পু কৰি পুনৰ এবাৰ চুলিত সৰিয়হৰ তেল লগাই এঘণ্টা ৰাখক। ইয়াৰ ফলত চুলিত যি সামান্য ৰং লাগি থাকে সেয়া দূৰ কৰাত সহায় কৰিব লগতে চুলিৰ ক্ষতিও নহয়।

চুলিত নাৰিকল গাখীৰ প্ৰয়োগ কৰিলে কম ক্ষতি হোৱাটো নিশ্চিত হয়। ই সহজে ৰং আঁতৰোৱাত সহায় কৰে। হোলী খেলাৰ আগতে চুলিত নাৰিকল গাখীৰ লগাব লাগে। লগতে চেম্পু কৰাৰ আগতে লগাব আৰু এঘণ্টা ধৰি ৰাখিব। তাৰ পিছত চেম্পুৰে চুলি পৰিষ্কাৰ কৰক।

চুলিৰ ৰং আঁতৰোৱাৰ পিছত এতিয়া শৰীৰৰ বাহিৰৰ পৰা ৰং আঁতৰোৱাৰ পৰ্যায়। হোলী খেলিবলৈ কৰিবলৈ ওলাই যোৱাৰ আগতে হাত, মুখ আৰু শৰীৰৰ সকলো উন্মুক্ত অংশত মইশ্ব’ৰাইজাৰ লগাব লাগে। একেদৰে যিহেতু আবিৰ বা ৰং শৰীৰৰ বিভিন্ন অংশত আবদ্ধ হৈ পৰে, গতিকে সেই অংশতো মইশ্বাৰাইজাৰ লগাব লাগে।

নখবোৰ দাগ পৰাৰ পৰা ৰক্ষা কৰিবলৈ গাঢ় ৰঙৰ নেইলপলিচ ব্যৱহাৰ কৰক। ৰং খেলা শেষ হ’লে ৰিমুভাৰেৰে নখৰ ৰং আঁতৰাই দিব যাতে হোলীৰ ৰং আৰু নখত লাগি নাথাকে।

হোলী খেলাৰ ঠিক আগতে ফাউণ্ডেচন লগাওক। ই আপোনাৰ ছালখন শুকান ৰঙৰ পৰা ৰক্ষা কৰিব। খেলিবলৈ ওলোৱাৰ আগতে ওঁঠত ভেচলিন লগাব লাগে। ই আপোনাৰ ওঁঠত বহুত প্ৰয়োজনীয় আৰ্দ্ৰতা আৰু বৰ্তাই ৰাখিব। লগতে আপোনাৰ ওঁঠ ৰং লাগি থকাত বাধা দিব।

ৰঙৰ সৈতে খেলিবলৈ ওলাই যোৱাৰ কমেও ৩০ৰ পৰা ৪৫ মিনিট আগতে ছানস্ক্ৰীণ লগাব লাগে।

সামান্য পৰিমাণৰ আটা লৈ তাত অলপ তেল বা নেমু দিব। পেষ্ট বনাই গোটেই ছালত লগাওক। গা ধোৱাৰ আগতে লাহে লাহে আঁতৰাই দিব। ছালৰ সকলো অংশৰ স্বাভাৱিক ৰং সহজে ঘূৰি আহিব।