কফি প্ৰিয় নেকি আপোনাৰ? দিনৰ কোন সময়ত কফি খোৱা উচিত জানেনে?

সমকফি বহুতেই ভাল পায়। বহুতেই দিনটোত ৮–১০ কাপ কফি পান কৰে। কফিয়ে শৰীৰৰ এনাৰ্জী বজাই ৰখাৰ লগতে সতেজ কৰি ৰাখে মন। কিন্তু আমাৰ দৈনন্দিত জীৱনত ইয়াৰ বিপৰীত প্ৰভাৱো আছে। কফিত থকা কেফেইনে শৰীৰত একাধিক সমস্যাৰ সৃষ্টি কৰিব পাৰে। এইক্ষেত্ৰত কোন সময়ত, কিমান কফি পান কৰা উচিত? আহক জানো বিষদভাৱে।

এই বিষয়ে বিস্তাৰিতভাৱে আলোচনা কৰিছে নিউট্ৰিছনিষ্ট প্ৰীতি ত্যাগীয়ে। প্ৰথমেই জানি লোৱা যাওক কফি খোৱাৰ উচিত সময় কি? বহুতৰে পুৱা একাপ কফি খোৱাৰ অভ্যাস আছে। বহুতৰে পুৱাৰ ৰুটিনত কফি বাধ্যতামূলক। কিন্তু এই সময়ত কফি খালে বেছি উপকাৰ পোৱা নাযায় বুলি কৈছে চিকিৎসাশাস্ত্ৰই। ইয়াৰ আঁৰৰ কাৰণো আছে।

নিনিউট্ৰিছনিষ্ট ত্যাগীৰ মতে, পুৱা শৰীৰৰ গুৰুত্বপূৰ্ণ উপাদান কৰ্টিছলৰ মাত্ৰা আটাইতকৈ বেছি থাকে। এই বিশেষ হৰমনে শৰীৰৰ ৰোগ প্ৰতিৰোধ ক্ষমতা, সতেজ হৈ থকা, মেটাবলিজমসহ একাধিক প্ৰক্ৰিয়াক নিয়ন্ত্ৰণ কৰে। আৰু এই সময়ত শৰীৰত কেফেইন পৰিলে কৰ্টিছলৰ উৎপাদন ব্যাহত হয়। ইয়াৰ ফলত শৰীৰত নানা সমস্যাই দেখা দিব পাৰে।

সময় আগবঢ়াৰ লগে লগে অৰ্থাৎ পুৱা ১০টাৰ পিছৰ পৰা কমি যায় কৰ্টিছলৰ মাত্ৰা। সেয়ে ইয়াৰ পিছত বা দিনৰ যিকোনো সময়ত কফি পান কৰা ভাল। আৰু এটা কথা মনত ৰখাটো প্ৰয়োজনীয়। পুৱাৰ প্ৰথম খাদ্য হিচাপে অৰ্থাৎ খালী পেটত কফি পান কৰাৰ অভ্যাস ত্যাগ কৰাই ভাল।

কফিৰ পৰিমাণক লৈ সচেতন হোৱাটো প্ৰয়োজন। প্ৰতিবাৰ কফিৰ কাপত যেন অতিৰিক্ত কফি নাথাকে। পৰিমাণতকৈ অলপ কম হ’লেও সমস্যা নাই। কাৰণ কফি পানৰ ৩০ মিনিটৰ পৰা এক ঘণ্টাৰ ভিতৰত ৰক্তপ্ৰবাহৰ সৈতে মিহলি হ’বলৈ আৰম্ভ কৰে কেফেইন আৰু কেইবাঘণ্টা পৰ্যন্ত শৰীৰত সক্ৰিয় হৈ থাকে।

দিনটোৰ শেষ কফিকাপ বেছি পলমকৈ নাখাব। কাৰণ কফিত থকা কেফেইনে টোপনিত ব্যাঘাত জন্মাব পাৰে। বেছি ৰাতি কফি নোখোৱাই ভাল। কাৰণ শৰীৰ আৰু মস্তিষ্ক সুস্থ ৰাখিবলৈ পৰ্যাপ্ত টোপনি প্ৰয়োজনীয়।

সকলো বস্তুৰে অতিৰিক্ত বেয়া। ডাঙৰ কথাটো হ’ল বেছি চেনী দি কফি পান কৰাৰ অভ্যাস একেবাৰে পৰিহাৰ কৰিব লাগে!