Smoking and Covid Death| কোৰোণাত মৃত্যুৰ সৈতে ধূমপানৰ কি সম্পৰ্ক? নতুন গৱেষণাত বিশ্বজুৰি চাঞ্চল্য

ধূম্ৰপায়ীসকলৰ বাবে এক অতি দূঃসংবাদ প্ৰকাশ পাইছে কোৰোণাৰ গৱেষণাত। মঙলবাৰে প্ৰকাশিত এক গৱেষণা পত্ৰত কোৱা হৈছে যে নিয়মিত ধূমপান যিসকলে কৰে, কোৰোণাসহ আন সংক্ৰমণত হাস্পতালত মৃত্যুৰ সম্ভাৱনীয়তা তেওঁলোকৰ অধিক।

পূৰ্বে ধূমপান আৰু কোৰোণা সম্পৰ্কে যিসমূহ গৱেষণা হৈছে, তাত দেখা গৈছে যে ধূম্ৰপায়ীসকলৰ ক্ষেত্ৰত সংক্ৰমণ দেখা দিলে হাস্পতালত ভৰ্তি কৰোৱাৰ বাধ্যতা তুলনামূলকভাৱে বৃদ্ধি পায়। কেইবাটাও সমীক্ষাত ধূমপানকে ৰিস্ক ফেক্টৰ হিচাপে দেখুওৱা হৈছে।

কিন্তু এই ধৰণৰ সমস্ত গৱেষণাৰ ক্ষেত্ৰত অবজাৰভেচন মেথড ব্যৱহাৰ কৰা হৈছিল।। থোৰাক্স নামৰ এক জাৰ্নালত প্ৰকাশিত সাম্প্ৰতিক গৱেষণাটো অবজাৰভেচনৰ লগতে তথ্যও বিশ্লেষণ কৰা হৈছে।

গৱেষক এছলে ক্লিফটে কয়, আমাৰ গৱেষণাৰ ফলাফলত স্পষ্ট দেখুওৱা হৈছে যে ধূমপানৰ সৈতে কোৰোণাৰ সম্পৰ্ক অতি নিবিড়। ধূম্ৰপায়ীসকলৰ ক্ষেত্ৰত কোৰোণাৰ সম্ভাৱনীয়তা বহু পৰিমাণে বৃদ্ধি পায়। কেঞ্চাৰ বা হাওঁফাওঁৰ আন ৰোগৰ ক্ষেত্ৰত যিদৰে ধূমপানে ট্ৰিগাৰৰ কাম কৰে, এইক্ষেত্ৰতো একেই। অক্সফ’ৰ্ডৰ গৱেষক ক্লিফটে কৈছে যে এয়া ধূমপান এৰাৰ আটাইতকৈ গুৰুত্বপূৰ্ণ সময়।

উল্লেখযোগ্য যে ৪ লাখ ২১ হাজাৰ ৪৬৯জন লোকৰ ওপৰত এই গৱেষণা কৰা হৈছিল।

গৱেষণাত দেখা গৈছে যে যিসকলে ধূমপান নকৰে তেওঁলোকৰ সৈতে তুলনা কৰিলে ধূমপান কৰাসকলৰ ৮০ শতাংশ অধিক হাৰত হাস্পতালত ভৰ্তি হৈছে। আৰু তেওঁলোকৰ এক বৃহৎ অংশ কোভিডত মৃত্যু হৈছে।