কোৰোণাত আক্ৰান্ত হোৱাৰ পিছত চুলি সৰিছে নেকি? যাদুৰ দৰে কাম কৰিব মেথিৰ তেলে!

কোৱা হয় যে কোনো ডাঙৰ বেমাৰ হৈ যোৱাৰ পিছত মানুহৰ শৰীৰত তাৰ চিহ্ন ৰাখি যায়। কোৰোণা ভাইৰাছো তাৰ ব্যতিক্ৰম নহয়। যি ভাইৰাছে সমগ্ৰ বিশ্বকে ত্ৰাসিত কৰিছে, সেই ভাইৰাছত আক্ৰান্ত হোৱাটো মুখৰ কথা জানো? দেখা গৈছে যে কোৰোণাই শৰীৰৰ যিমান ক্ষতি কৰিছে, কোৰোণাৰ পিছৰ উপসৰ্গই তাতকৈ অধিক ক্ষতি কৰিছে।

কোভিডৰ পৰা মুক্তি পোৱাৰ পিছতো কোনোৱে পেটৰ সমস্যাত ভুগিছে, কাৰোবাৰ দেখা দিছে স্মৃতিভ্ৰম, কাৰোবাৰ আকৌ মূৰৰ পৰা দ্ৰুতগতিত সৰিছে চুলি। প্ৰথম দুটা সমস্যাৰ বাবে চিকিৎসকেই আমাৰ ভৰসা। কিন্তু কোভিডৰ পৰৱৰ্তী সময়ত চুলি সৰাৰ সমাধান আছে। এই সমস্যাৰ পৰা মুক্তি দিব পাৰে মেথিৰ তেলে।

বজাৰত চুলি সৰা কম কৰাৰ বাবে বিভিন্ন ধৰণৰ তেল পোৱা যায়। কিন্তু নিজৰ চুলিৰ স্বাস্থ্যৰ কথা ভাবি প্ৰাকৃতিক উপাদান বাচি লোৱাই ভাল।

ঘৰতেই প্ৰাকৃতিক উপাদানেৰে সহজে তেল তৈয়াৰ কৰি ল’ব পাৰি। ইয়াৰ ফলত খৰচো কমিব, আমাৰ চুলিও ক্ষতিকাৰক ৰাসায়নিকৰ পৰা ৰক্ষা পৰিব।

চুলিৰ বৃদ্ধিত যুগ যুগ ধৰি মেথিৰ ব্যৱহাৰ চলি আহিছে। কাৰণ ইয়াত আছে আয়ৰন আৰু প্ৰটিন। এই দুটা উপাদানেই চুলিৰ বৃদ্ধিত খুব কাম দিয়ে। তাৰ উপৰি ডাঙৰ কথাটো হ’ল মেথিৰ তেল খুব সহজে ঘৰতে তৈয়াৰ কৰি ল’ব পাৰি।

চাৰি টেবুল চামুচ মেথি গুটি, নাৰিকল তেল, এক মুঠি বা আন্দাজ মতে নৰসিংহৰ পাত।

আটাইকেইটা উপাদান একেলগে তেলত উতলাওক ১০ মিনিট। জুই কমাই ৰাখিব। নহ’লে মিশ্ৰণৰ উপাদান পুৰি যাব পাৰে। মিশ্ৰণটো ঠাণ্ডা কৰি এটা কাচৰ বটলত ৰাখক। ব্যৱহাৰ কৰাৰ আগতে কাচৰ বটলত এই মিশ্ৰণ অন্তত দুইৰ পৰা তিনিদিন ৰাখিব লাগিব। এই তেল সপ্তাহত দুবাৰ ব্যৱহাৰ কৰিলে সুফল পোৱা যাব।