এনেদৰে ঘৰতে বনাওক প্ৰাকৃতিক Floor Cleaner, ঘৰৰ মজিয়া হৈ পৰিব চকচকীয়া।

ঘৰৰ মজিয়া পৰিস্কাৰ কৰিবলৈ আপুনি Floor Cleaner ক্ৰয় কৰিব পাৰে নাইবা ঘৰতে খুব সহজতে প্ৰস্তুত কৰি ল'বও পাৰে, কেইটামান সহজ পদ্ধতিৰে আপোনাৰ ঘৰতে থকা কেইপদমান সামগ্ৰীৰে। জানোঁ আহক প্ৰাকৃতিক Floor Cleaner বনোৱাৰ উপায়সমূহ।( All Images/shutterstock)

ভিনেগাৰ ব্যৱহাৰ কৰক : ভিনেগাৰ ঘৰৰ বহুতো কামত ব্যৱহাৰ কৰা হয়। সেই ভিনেগাৰকে আপুনি Home made Floor Cleaner হিচাপে ব্য়ৱহাৰ কৰিব পাৰে। সেয়া কৰিবলৈ এটা বাচনত এটা নেমুৰ ৰস আৰু চাৰি চামুচ ভিনেগাৰ দিয়ক,ইয়াৰ পাছত তাতে অলপ গৰম পানী মিহলাই লওক। তাৰ পাছত এই ঘৰতে বনোৱা Floor Cleanerৰে নিজৰ ঘৰৰ Floor চাফা কৰক, দেখিব আপোনাৰ ফ্ল'ৰ চিকচিকীয়া হৈ পৰিছে।

স্পিৰিটৰ পৰা তৈয়াৰ কৰা Floor Cleanerৰেও আপোনাৰ ঘৰৰ মজিয়াখন সুন্দৰকৈ পৰিস্কাৰ কৰিব পাৰে। সেয়া বনাবলৈ আধা বাল্টী গৰম পানীৰ লগত এক কাপ স্পিৰিট মিলাই ল'ব। তাৰ পাছত মজিয়াখন চাফা কৰিব।

ফিটকিৰিৰে কৰক মজিয়াখন চাফা : এইবোৰৰ বাদেও আপুনি ফিটকিৰিৰে পৰিস্কাৰ কৰিব পাৰে ঘৰৰ মজিয়াখন। ইয়াাৰ বাবে ২ ইঞ্চি ফিটকিৰি গৰম পানীত দিয়ক। ফিটকিৰিখিনি গলি গ'লে আপুনি মজিয়া চাফা কৰিব পাৰিব।

নেমু ৰস আৰু বেকিং চ'ডা : প্ৰায়েই পাকঘৰৰ টাইলছত বিভিন্ন বস্তু পৰি বহুত লেতেৰা হয়। পিছে আপুনি মিনিটতে আৰু বৰ সহজতে এইবোৰ চাফা কৰিব পাৰে। ইয়াৰ বাবে নেমুৰ ৰস আৰু বেকিং চ'ডাৰে বনাব পাৰে ঘৰতে তৈয়াৰী Floor cleaner। ইয়াৰ বাবে ২ চামুচ বেকিং চ'ডাত নেমুৰ ৰস মিহলাই লওক। তাৰ পাছত প্ৰয়োজন মতে পানী মিলাই চেকা লগা লেতেৰা টাইলছ পৰিস্কাৰ কৰি পেলাওক।

চাবোন আৰু ভিনেগাৰ : বাচন ধোৱা চাবোনো ব্যৱহাৰ কৰিব পাৰে মজিয়া চাফা কৰিবলৈ। এয়া বনাবলৈ বাচন ধুবলৈ ব্যৱহাৰ কৰা চাবোনৰ পানীৰ লগত নেমুৰ ৰস মিলাই লওক। তাৰ পাছত প্ৰয়োজন মতে পানী মিলাই লওক। এতিয়া এই মিশ্ৰণেৰে আপুনি আপোনাৰ ঘৰৰ টাইলছ আৰু মজিয়াখন চাফা কৰি চাওক।