Bad Breath Prevention : মুখৰ পৰা ওলোৱা দুৰ্গন্ধৰ বাবে লাজত পৰিছে নেকি, এৰাই চলক এইসমূহ খাদ্য

নিশাহত বা মুখ (Bad Breath)ৰ পৰা বেয়া গোন্ধ ওলোৱাৰ দৰে লজ্জাজনক পৰিস্থিতি আৰু নাই। ইয়াৰ মানেই হৈছে যে শৰীৰৰত কিব নহয় কিবা সমস্যা হৈছে। কিছুমান খাদ্যৰ কাৰণেও মুখৰ ভিতৰত নাইবা নিশাহত দুৰ্গন্ধ সৃষ্টি কৰিব পাৰে। যাৰ এনে সমস্যা আছে তেওঁলোকে কিছুমান খাদ্য পৰিহাৰ কৰাটো ভাল।

মাছ আৰু মাংস (Fish and Meat)ৰ প্ৰ'টিন যকৃতত এচিড আৰু বেক্টেৰিয়াৰ প্ৰভাৱত এমিনো এচিডলৈ ৰূপান্তৰিত হয়। এই প্ৰক্ৰিয়াৰ ফলত এমোনিয়া-6 উৎপন্ন হয়। এমোনিয়াৰ গোন্ধ তীব্ৰ আৰু সোৱাদো তিতা হয়। এই গোন্ধই পিছত মুখৰ পৰা ওলাই আহে, বিশেষকৈ যদি মাছটো পৰ্যাপ্ত তেল আৰু মছলাৰে ভালদৰে ৰন্ধা নহয়। এই মুখৰ গোন্ধ বহু সময়লৈ থাকিব পাৰে।

অত্যধিক ছালফাৰ যৌগ থকা বাবে নহৰু (Garlic)ৰ গোন্ধ অতি তীব্ৰ আৰু কাঢ়া হয়। বহুলোকে কেঁচা নহৰু চোবাই খায় আৰু ই স্বাস্থ্যৰ বাবে অতি ভাল অভ্যাস। কিন্তু এই অভ্যাসে মুখত দুৰ্গন্ধৰ সৃষ্টি কৰে। নহৰুৱে হজমৰ সময়ত বিভিন্ন ধৰণৰ ছালফাৰ যৌগ মুকলি কৰে, যাৰ ফলত মুখ আৰু নিশাহত দুৰ্গন্ধ ওলায়।

নহৰুৰ দৰে পিঁয়াজতো যথেষ্ট পৰিমাণে ছালফিউৰিক যৌগ থাকে৷ ফলস্বৰূপে, যদি আপুনি কেঁচা পিঁয়াজ খায়, তেন্তে মুখৰ পৰা দুৰ্গন্ধ ওলোৱাটো নিশ্চিত। ৰন্ধাৰ সময়ত, পিঁয়াজৰ তীক্ষ্ণ গোন্ধ হ্ৰাস কৰিবলৈ প্ৰথমে পানীত তিয়াই থৈ পিছত অধিক মছলা আৰু ভিনেগাৰেৰে ৰন্ধা হয়।

গাখীৰ আৰু দুগ্ধজাত সামগ্ৰী খোৱাৰ ফলত মুখৰ দুৰ্গন্ধ হয় কিয়নো দুগ্ধজাত সামগ্ৰীত এমিনো এচিড থাকে আৰু পাচন ক্ৰিয়াৰ সময়ত ই ভাঙি ছালফাৰ যৌগ প্ৰস্তুত কৰে যাৰ ফলত মুখত গোন্ধ উৎপন্ন হয়।

কফিৰ তীব্ৰ গোন্ধই আন বস্তুৰ গোন্ধ তল পেলাই দিব পাৰে কিন্তু কফিৰ নিজৰ গোন্ধ সহজে বিযপি পৰাৰ মূল কাৰণ হৈছে ছালফাৰ বা ছালফাৰ যৌগ। আনহাতে অধিক কফি সেৱনৰ ফলত মুখৰ লেলাৱতি শুকাই যায়, বীজাণুবৃদ্ধি হয় আৰু ই মুখৰ দুৰ্গন্ধও সৃষ্টি কৰে।