দুপৰীয়াৰ আহাৰ খোৱাৰ পিছত কৰে নেকি এই কাম? এটা ভুলেই আপোনাৰ স্বাস্থ্যলৈ মাতি আনিব পাৰে বিপদ!

খাই–লৈ উঠাৰ পিছত স্নান! বহুতৰে আছে এই অভিজ্ঞতা। শীতকাল বা পুৱাৰে পৰা বৰষুণ দি থাকিলে শৰীৰ, মনত ক্লান্তি বিৰাজ কৰে। মনত ভাৱ হয়, প্ৰথমে খাই লোৱা যাওক, তাৰ পিছত স্নান।

কিন্তু বহুতেই নাজানে, স্নানৰ সময়ত শৰীৰৰ তাপমাত্ৰা কমে, হজম প্ৰক্ৰিয়া লেহেমীয়া হয়। সেয়ে খাদ্য খোৱাৰ পিছত গা ধোৱা অস্বাস্থ্যকৰ বুলি ধাৰণা কৰা হয়। বিভিন্ন শাস্ত্ৰ আৰু পুৰাণতো প্ৰথমে স্নান আৰু তাৰ পিছত মধ্যাহ্ন ভোজন কৰাৰ পৰামৰ্শ দিয়া হৈছে। এই সম্পৰ্কে চিকিৎসা বিজ্ঞান আৰু আয়ুৰ্বেদে কি কৈছে সেয়া চাও আহক।

আয়ুৰ্বেদিক দৰ্শন : স্নান কৰিলে শৰীৰ ঠাণ্ডা হয়। আৰু শৰীৰ ঠাণ্ডা হৈ থাকিল ৰক্তন সঞ্চালনৰ গতি কমি যায়। আয়ুৰ্বেদিক চিকিৎসকে কৈছে, হজমৰ বাবে প্ৰচূৰ এনাৰ্জীৰ প্ৰয়োজন।

আয়ুৰ্বেদত খোৱাৰ পিছত স্নান কৰা নিষেধ কৰা হৈছে। সেয়ে খোৱাৰ অন্তত ১ৰ পৰা তিনি ঘণ্টা পূৰ্বে স্নান কৰা উচিত।

চিকিৎসা বিজ্ঞান কি কয় : আধুনিক চিকিৎসা বিজ্ঞানো আয়ুৰ্বেদৰ সৈতে একমত। তেওঁলোকে কৈছে, স্নানৰ সময়ত ৰক্ত সঞ্চালনৰ গতি কমি যায়। শৰীৰৰ তাপমাত্ৰা নামে। ইয়াৰ ফলত হজম প্ৰক্ৰিয়া লেহেমীয়া হয়। সেয়ে খোৱাৰ পূৰ্বে স্নান কৰা উচিত।

শীতকালত গৰম পানীৰে গা ধুৱে বহুতেই। বহুতেই আকৌ ঋতুভেদে সকলো সময়তে গৰম পানীৰে গা ধুবলৈ ভাল পায়। গৰম পানীৰে স্নানৰ এই প্ৰক্ৰিয়াক হাইপাৰথাৰ্মিক একচন বোলা হয়। ইয়াৰ ফলত শৰৰীলৈ উদ্দীপনা আহে। এয়া ভাল অভ্যাস বুলি মন্তব্য কৰিছে চিকিৎসকসকলে।

গৰম পানীৰে গা ধুলে স্নায়ুতন্ত্ৰ শিথিল হয়। ইমিউন চিষ্টেম আৰু ‘ছুইট গ্লেন’বোৰ উদ্দীপিত কৰে, যিয়ে শৰীৰৰ বিষক্ত পদাৰ্থ অধিক মাত্ৰাত বাহিৰ কৰাত সহায় কৰে। সেয়ে মধ্যাহ্ন ভোজনত বহাৰ পূৰ্বে গৰম পানীৰে স্নান কৰিলে তৃপ্তি দিয়াৰ লগতে শৰীৰৰ বাবেও উপকাৰী।

খোৱাৰ পিছত স্নান কৰিলে হজমৰ সমস্যা হোৱাৰ লগতে ইয়াৰ কিছু পাৰ্শ্বক্ৰিয়াও আছে। ইয়াৰ ফলত স্থুলতা, ওজন বৃদ্ধি আৰু পাচন তন্ত্ৰৰ সমস্যা অন্যতম।

ইমানেই নহয়, ৰোগ প্ৰতিৰোধ ক্ষমতাও কমি যাব পাৰে। সেয়ে সুস্থ থাকিবলৈ বিচাৰিলে স্নানৰ পিছতহে মধ্যাহ্ন ভোজন কৰা উচিত।