Health Tips: তিয়হ হজম হবলৈ সময় লাগে, আপুনি প্ৰতিদিনে তিয়হ খায় নেকি? কি সমস্যা হ’ব পাৰে জানি লওক

গৰম বতৰত আৰু বিশেষকৈ যিসকলে ওজন কমাব বিচাৰে তেওঁলোকে দৈনিক খাদ্যত তিয়হ ৰাখে। তিয়হ এবিধ অতি স্বাস্থ্যকৰ ফল। কিন্তু প্ৰয়োজনতকৈ বেছি তিয়হ খালে কেনেধৰণৰ সমস্যা হ’ব পাৰে জানেনে? (Health Tips)

তিয়হ সুস্বাদু হয় আৰু লগতে স্বাস্থ্যকৰ। ইয়াত ভিটামিন কে আৰু এণ্টিঅক্সিডেণ্ট প্ৰচুৰ পৰিমাণে থাকে। কিন্তু সঠিক সময়ত আৰু পৰিমাণত নাখালে বিভিন্ন পাৰ্শ্বক্ৰিয়া হ’ব পাৰে। হয়তো বদহজম।

তিয়হ নিঃসন্দেহে এটা স্বাস্থ্যকৰ ফল। কিন্তু স্বাস্থ্যকৰ হ’লেও অতিমাত্ৰা একো খোৱাটো ভাল নহয়। তিয়হত প্ৰায় ৯৫ শতাংশ পানী থাকে। গতিকে অত্যধিক তিয়হ খালে পেট ফুলিব পাৰে।

শৰীৰটো আৰ্দ্ৰ কৰি ৰাখিবলৈ তিয়হ খোৱাটো যেনেকৈ ভাল, তেনেকৈ বেছি তিয়হ খালে শৰীৰৰ পৰা পানী ওলাই যাব পাৰে।

কেৱল তিয়হেই নহয়, যি কোনো ফল খোৱাৰ নিৰ্দিষ্ট সময় থাকে। ৰাতি যিমান পাৰি তিয়হ নোখোৱাটোৱেই ভাল। সাধাৰণতে তিয়হে খাদ্য হজম হোৱাত সহায় কৰে, কিন্তু ৰাতি বেছিকৈ তিয়হ খালে বদহজম হ’ব পাৰে। শৰীৰৰ ভিতৰত কিবা সমস্যা হ’লে টোপনিও বিঘ্নিত হয়।

কোনো গধুৰ খাদ্যৰ লগত তিয়হ নোখোৱাই ভাল। সন্ধিয়া গধুৰ আহাৰ খালে খোৱাৰ কেইমুহূৰ্তমানৰ পিছত তিয়হ খাব পাৰে। ই হজম ভাল কৰে।। তিয়হে খাদ্য হজম হোৱাত সহায় কৰে। কিন্তু তিয়হ নিজেই হজম হ’বলৈ কিছু সময় লাগে।

শোৱাৰ কমেও ৩-৪ ঘণ্টা আগতে তিয়হ খোৱাটো ভাল। আৰু আটাইতকৈ গুৰুত্বপূৰ্ণ কথাটো হ’ল তিয়হ একেবাৰতে বেছিকৈ খোৱা বস্তু নহয়, গোটেই দিনটো অলপ অলপকৈ তিয়হ খাব লাগে। তেতিয়া সমস্যা কম হ'ব।