Health Tips: পিয়াহ লাগিলেহে কেৱল পানী খায় নেকি? আজিয়েই নিজকে শুধৰাই লওক, অন্যথা আন্ধাৰ নামি আহিব জীৱনলৈ!

পানী (Water)ৰ আন এটা নাম হৈছে জীৱন। আৰু এই কথা একেবাৰে প্ৰমাণিত। কাৰণ পানী নাখালে আমাৰ শৰীৰৰ গুৰুত্বপূৰ্ণ অংগসমূহৰ কাম-কাজত ব্যাঘাত জন্মে। শৰীৰত পানীৰ অভাৱত বিভিন্ন ধৰণৰ শাৰীৰিক সমস্যাৰ সৃষ্টি হ’ব পাৰে। আচলতে মগজুক সক্ৰিয় কৰি ৰখাৰ পৰা আৰম্ভ কৰি শৰীৰৰ উষ্ণতা নিয়ন্ত্ৰণ কৰাত পানীয়ে গুৰুত্বপূৰ্ণ ভূমিকা পালন কৰে। গতিকে বিশেষকৈ গৰমৰ দিনত সকলো সময়তে পৰ্যাপ্ত পৰিমাণে পানী খাব লাগিব যাতে শৰীৰটো হাইড্ৰেটেড হৈ থাকে। প্রতীকী ছবি ৷

দেখা যায় যে বহুতে পিয়াহ লাগিলেহে পানী খায়। কিন্তু ই একেবাৰে ভুল। প্ৰথমে আপুনি জুখিব লাগিব যে আপোনাৰ শৰীৰৰ বাবে নিয়মিতভাৱে কিমান পানী লাগে। সেই হিচাপ অনুসৰি নিয়ম অনুসৰি সময়ে সময়ে পানী খাব লাগে। বিশেষজ্ঞসকলে কয় যে দিনটোত কমেও ৮ গিলাচ বা ২-৩ লিটাৰ পানী খাব লাগে। আৰু পানীৰ উপযোগিতা সম্পৰ্কে জানো আহক। প্রতীকী ছবি ৷

<span style="text-decoration: underline;"><span style="color: #800080; text-decoration: underline;"><strong>পানী খোৱাৰ বিভিন্ন উপকাৰীতাঃ </strong></span></span><br /> <span style="text-decoration: underline; color: #800080;"><strong>১. শক্তি বৃদ্ধি কৰে:</strong></span><br /> মাজে মাজে, বিশেষকৈ গৰমৰ দিনত ভাগৰুৱা অনুভৱ কৰে! কৰ্ম শক্তি নাইকীয়া যেন হয়। এইয়া হয় ডিহাইড্ৰেচনৰ ফলত, শৰীৰত পানীৰ অভাৱৰ ফলত । আচলতে ডিহাইড্ৰেচনে আমাৰ মগজুত প্ৰভাৱ পেলায়। ফলত ভাগৰ আহে আৰু কাম কৰাৰ হেঁপাহ নাইকিয়া হৈ যায়। গতিকে আপোনাৰ শক্তিৰ মাত্ৰা বৃদ্ধি কৰিবলৈ অধিক পানী খোৱাটো প্ৰয়োজন। প্রতীকী ছবি ৷

<span style="color: #800080;"><strong>অৱসাদ বা ক্লান্তিভাৱ দূৰ কৰে:</strong></span><br /> শৰীৰত সঠিক হাইড্ৰেচনে ভাগৰ দূৰ কৰাত সহায় কৰে। বহু সময়ত আমি বাৰে বাৰে ভাগৰুৱা অনুভৱ কৰাৰ সঠিক কাৰণটো বুজি নাপাওঁ। আচলতে ডিহাইড্ৰেচন (Dehydration)ৰ বিষয়টো আমাৰ মগজুৱেই প্ৰথমে বুজি পায়। প্রতীকী ছবি ৷

কাৰণ মগজুৰ কাম-কাজৰ বাবে পানী অপৰিহাৰ্য, অন্যথা ই কোষলৈ বৈদ্যুতিক সংকেত প্ৰেৰণ কৰিব নোৱাৰিব। ফলত যদি মগজু ভাগৰুৱা হৈ পৰে, তেতিয়া পেশীবোৰে ভালদৰে কাম নকৰে। চকু দুটাও ভাগৰি পৰিব। আৰু মগজু শুই পৰিব। প্রতীকী ছবি ৷

<span style="color: #800080;"><strong>মন-মেজাজ ভাল কৰিবলৈ:</strong></span><br /> ডিহাইড্ৰেট হ’লে চাৰিওফালে বহুত বিৰক্তিৰ সৃষ্টি হয়। তেনে ক্ষেত্ৰত এগিলাচ পানী খালে সমস্যাৰ সমাধান হ’ব। আচলতে মনটো সতেজ আৰু শক্তিশালী কৰি ৰাখিবলৈ পানী খোৱাটো জৰুৰী।

<span style="color: #800080;"><strong>ওজন কমায়:</strong></span><br /> ভাল খাদ্যৰ উপৰিও ওজন কমাবলৈ পৰ্যাপ্ত পৰিমাণে পানী খোৱাটো অতি প্ৰয়োজনীয়। কাৰণ পানীয়ে শৰীৰৰ ওজন কমোৱাত সহায় কৰে। আচলতে পানীত কেলৰি বা চৰ্বি নাথাকে, গতিকে পানীয়ে কেলৰি বাৰ্ন কৰাত সহায় কৰে।প্রতীকী ছবি ৷

ইয়াৰ উপৰিও ভোক কমায় আৰু মেটাবলিজমৰ হাৰ বৃদ্ধি কৰে। ফলত আমি অতিমাত্ৰা খাদ্য খোৱাৰ পৰা বিৰত থাকোঁ।প্রতীকী ছবি ৷

<span style="color: #800080;"><strong>ধুনীয়া চিকচিকিয়া ছাল:</strong></span><br /> পানীয়ে ছালখন সুন্দৰ, সতেজ আৰু উজ্জ্বল কৰি ৰাখে। আমাৰ ছালত কলাজেন নামৰ এক প্ৰকাৰৰ প্ৰটিন থাকে, যিয়ে আমাৰ ছালখন টান আৰু সুন্দৰ কৰি ৰাখে।প্রতীকী ছবি ৷

সেই কলাজেন কিন্তু পানীৰ ওপৰতহে নিৰ্ভৰশীল। গতিকে দেহত পানী নাথাকিলে ছালখন শুকান হৈ বলিৰেখা হৈ পৰে। আৰু ভিতৰৰ পৰা ছালখন সুস্থ কৰি ৰাখিবলৈ প্ৰতিদিনে পৰ্যাপ্ত পৰিমাণে পানী খোৱাটো বাঞ্ছনীয়। প্রতীকী ছবি ৷